ពិតណាស់ កម្មវិធីអន្តរជាតិ Miss Supertalent of the World 2025 ដែលធ្វើឡើងនៅប្រទេសកូរ៉េខាងត្បូង ឈានដល់វគ្គផ្ដាច់ព្រ័ត្រកាលពីថ្ងៃទី ១ ខែមីនា ឆ្នាំ ២០២៥ កន្លងទៅ និង បានរកឃើញម្ចាស់ជ័យលាភី Miss Supertalent of the World ប្រចាំឆ្នាំ ២០២៥ ហើយ។
ក្នុងវគ្គប្រកាសលទ្ធផលផ្ដាច់ព្រ័ត្រនេះដែរ ចំពោះបវរកញ្ញាកម្ពុជាយើង គឺអ្នកនាង មៀលីយ៉ាន់ ក៏បានធ្វើឱ្យមហាជនអ្នកគាំទ្រវិស័យបវរកញ្ញាកម្ពុជាពិតជាមានក្ដីរំភើប និង មោទកភាពខ្លាំងចំពោះអ្នកនាង ខណៈកម្មវិធីបានប្រកាសកម្ពុជាចូលក្នុង Top ១៥ នាក់ចុងក្រោយ។
ដ្បិតតែបវរកញ្ញារូបនេះ មិនមានឱកាសក្លាយជាម្ចាស់ជ័យលាភីនៃកម្មវិធីអន្តរជាតិនេះដែរ ប៉ុន្តែនាងក៏ធ្វើបានយ៉ាងអស្ចារ្យអាចឈានចូល Top ក្នុងកម្មវិធីលំដាប់ពិភពលោកដ៏អស្ចារ្យនេះ ព្រមទាំងទទួលបានពានរង្វាន់ធំមួយប្រចាំ Miss Supertalent of the World គឺ Rising star 2025 ។
ក្រោយពីបានបញ្ចប់ការប្រកួតយ៉ាងរលូន និង ទទួលបានលទ្ធផលល្អនេះដែរ អ្នកម៉ាក់រូបស្រស់ មៀលីយ៉ាន ត្រូវបានមហាជនអ្នកគាំទ្រ ក៏ដូចជាអ្នកសិល្បៈជាច្រើនបានផ្ទុះការចែករំលែកអបអរ និង បង្ហាញក្ដីរំភើបពេញដោយមោទកភាពចំពោះអ្នកនាង៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
