ចំពោះតារាសម្ដែងប្រុសរូបសង្ហា សេង មង្គល ដ្បិតតែមួយរយៈក្រោយ មិនសូវបង្ហាញមុខលើវិស័យសិល្បៈដូចមុនមែន ប៉ុន្តែលោកតែងឆក់បានការចាប់អារម្មណពីមហាជន ទាក់ទងនឹងសកម្មភាពឯកជនផ្សេងៗ ក៏ដូចជាបង្អួតសម្រស់ដ៏ស្រស់សង្ហាលើបណ្ដាញសង្គមជាបន្តបន្ទាប់។
ទាក់ទងនឹងជីវិតឯកជនរបស់តារាសម្ដែងប្រុសរូបនេះ ឃើញថាលោកកំពុងសំងំចាយជីវិតផ្ទាល់ខ្លួនយ៉ាងរីករាយហាយសូរ រីឯស្នេហាវិញក៏ពុំធ្លាប់ឃើញលោកបង្ហើប ឬគិតខ្វល់ខ្វាយចង់មានគូជីវិតសាងគ្រួសារនៅឡើយដែរ ដោយភាគច្រើនតែងឃើញលោកបង្ហាញសកម្មភាពដំណើរកម្សាន្តផ្សេងៗជាលក្ខណៈក្រុមគ្រួសារប៉ាម៉ាក់ និង បងប្អូនប៉ុណ្ណោះ។
លើសពីនេះ នៅដើមឆ្នាំ ២០២៥ កន្លងទៅ លោក សេង មង្គល ក៏បានបង្ហាញក្ដីស្រមៃមួយធ្វើដើម្បីអ្នកមានគុណ គឺបានរៀបចំសាងសងផ្ទះយ៉ាងធំប្រណីតមួយសម្រាប់ជូនប៉ាម៉ាក់ និង ជីដូន រស់ជុំគ្នាក្នុងជីវិតសាមញ្ញមួយ។
ដោយឡែក មកដល់ថ្មីៗនេះ ស្របពេលផ្ទះថ្មីជិតសាងសង់រួច លោក សេង មង្គល ក៏បានបង្ហើបឱ្យដឹងថាចាំពេលដែលរៀបចំផ្ទះជូនអ្នកមានគុណហើយរួចរាល់ លោកនឹងគិតគូរឿងមង្គលតាមក្រោយទៀតផង។ ក្នុងនោះ លោក សេង មង្គល បានបង្ហោះរៀបរាប់ភ្ជាប់ជាមួយវីដេអូថា ៖ «ធ្វើផ្ទះជូនជីដូន និង លោកឪពុកអ្នកម្តាយឱ្យហើយ 100% សិន ចាំគិតរឿងរៀបការតាមក្រោយ»៕
សូមចុចទីនេះដើម្បីទស្សនាវីដេអូ៖
