បើរំឭកពីភាពយន្តផលិតកាលពីជំនាន់ចុងឆ្នាំ ១៩៨០ រហូតដល់អំឡុងឆ្នាំ ២០០០ ជាពិសេស ភាពយន្តរឿង «ផ្កាស្រពោន» លោកអ្នក នឹងនៅនឹកដល់តួអង្គ វិធាវី ដែលសម្តែងដោយ អ្នកនាង ស័ក្ត សក្ការៈបុប្ផា ជាក់ជាមិនខាន។
ក្នុងនោះដែរ អតីតតារាភាពយន្តល្បីឈ្មោះកាលជំនាន់នោះ គឺអ្នកនាង ស័ក្ត សក្ការៈបុប្ផា ក៏ត្រូវបានអ្នកគាំទ្រដាក់រហ័ស្សនាមឱ្យអ្នកនាងថា ទិត្យ វិជ្ជរ៉ាដានី ទី ២ ក៏ព្រោះអ្នកនាងមានមុខមាត់ស្រដៀងខ្លាំង។
ជាការពិតណាស់ អ្នកនាង ស័ក្ត សក្ការៈបុប្ផា មិនត្រឹមតែមានភាពល្បីល្បាញតែក្នុងរឿង «ផ្កាស្រពោន» នោះទេ អ្នកនាង ក៏បានចូលរួមសម្តែងនៅក្នុងភាពយន្តខ្មែរជាច្រើន ជាពិសេស ភាពយន្តបែបបុរាណ អក្សរសីល៍ និង ប្រឡោមលោក ដូចជារឿង «តេជោតំឌិន» ជាដើម។
យ៉ាងណាមិញ កាលពីអំឡុងឆ្នាំ ២០០៥ អតីតតារាភាពយន្តល្បីឈ្មោះរូបនេះ ក៏បានផ្អាកលើអាជីពសម្តែងសាងគ្រួសារ ដោយបច្ចុប្បន្នអ្នកនាង ទទួលបានចំណងដៃកូនប្រុសស្រីចំនួន ៣ នាក់ហើយ ដោយកូនប្រុសស្រីច្បងរបស់អ្នកនាង ២ នាក់ ក៏ធំពេញក្រមុំ ពេញកំលោះផងដែរ។
ម្យ៉ាងវិញទៀតនោះ ក្រោយបញ្ចប់អាជីពជាតារាសម្តែងតាំងពីឆ្នាំ ២០០៥ រហូតមកដល់ពេលនេះ អ្នកនាង ស័ក្ត សក្ការៈបុប្ផា ក៏មានអាជីពជាអ្នកបញ្ជូលសំឡេងរឿងទៀតផង៕
សូមចុចទីនេះ ដើម្បីទស្សនាវីដេអូ៖
