មហាជន ជាពិសេសយុវវ័យនិយមស្ដាប់ចម្រៀងរ៉េប ច្បាស់ជាបានស្គាល់មកហើយអតីតសមាជិកក្រុម Polarix លោក GV Lux ដោយសព្វថ្ងៃបានផ្លាស់ប្តូរឈ្មោះទៅជា DyLux វិញនោះ។ ក្នុងនោះដែរ ក្រោយពីបានចាកចេញពីក្រុម Polarix លោក DyLux ក៏បានក្លាយទៅជាតារាចម្រៀងឯករាជ្យ និង បានផលិតចម្រៀងទោលជាបន្តបន្ទាប់។
យ៉ាងណាមិញ ក្រោយឈរឈ្មោះជាតារាចម្រៀងឯករាជ្យហើយនោះ មួយរយៈធំនេះ រហូតដល់ចុងឆ្នាំ ២០២៤ លោក DyLux បានធ្វើឱ្យអ្នកគាំទ្រមានការភ្ញាក់ផ្អើលយ៉ាងខ្លាំង ដោយលោកបានលេចវត្តមានក្នុងផលិតកម្ម Pluss 855 រួមទ្រនំជាមួយនឹងក្រុមចម្រៀងរ៉េប La Cima Cartel។
ងាកទៅកាន់រឿងរ៉ាវឯកជនខ្លះៗឯណោះវិញ អាចនឹងមានអ្នកគាំទ្រមួយចំនួនតូចនៅមិនទាន់បានដឹងនៅឡើយនោះទេថា មុននឹងក្លាយទៅជាតារាចម្រៀងរ៉េប លោក DyLux គឺជាសិល្បកររបាំផ្នែកបុរាណ។ លើសពីនោះទៀត ក្រៅពីមានជំនាញរបាំបុរាណ សម័យ និង ការរ៉េបនោះ លោក DyLux ក៏អាចច្នៃម៉ូដសម្លៀកបំពាក់ និង កាត់សម្លៀកបំពាក់បានយ៉ាងជំនាញទៀតផង៕
សូមចុចទីនេះ ដើម្បីទស្សនាវីដេអូ៖
