គិតមកដល់ពេលនេះ រយៈពេលជាង ១ ឆ្នាំហើយ ដែលកញ្ញា ហានី ក្លាយជាម្ចាស់ជ័យលាភីគ្រងមកុដនៃកម្មវិធី Miss Queen Cambodia 2024 ដែលបានប្រកួតប្រជែងដណ្ដើមមកុដកាលពីអំឡុងខែឧសភា ឆ្នាំ ២០២៤ កន្លងទៅ។
ចំពោះតំណែងជាម្ចាស់មកុដ Miss Queen Cambodia 2024 នេះ កញ្ញា ហានី នឹងត្រូវត្រៀមខ្លួនតំណាងកម្ពុជាចូលរួមប្រកួតលើឆាកអន្តរជាតិ Miss International Queen 2025 ដែលប្រព្រឹត្តឡើងនៅប្រទេសថៃ នៅខែកញ្ញា ឆ្នាំ ២០២៥ ខាងមុខ។
ដោយឡែក បន្ទាប់ពីត្រៀមខ្លួនអស់រយៈពេលជាង ១ ឆ្នាំ រង’ចាំឱកាសទៅប្រកួតលើឆាកអន្តរជាតិ Miss International Queen 2025 មកដល់ថ្មីៗនេះ បវរកញ្ញា ហានី ក៏បានចេញវីដេអូប្រកាសបោះបង់ឱកាសមិនបន្តទៅចូលរួមប្រកួតកម្មវិធីអន្តរជាតិនេះ នៅលើទឹកដីប្រទេសថៃខាងមុខនេះឡើយ ក្រោមហេតុផលប្រទេសជាតិកំពុងត្រូវបានឈ្លានពាន និង រងការមើលងាយពីខាងភាគីប្រទេសថៃម្ដងហើយម្ដងទៀត។
ក្នុងការប្រកាសដំណឹងរបស់បវរកញ្ញា ហានី នេះដែរ ឃើញថាលើបណ្ដាញសង្គមមហាជនអ្នកគាំទ្រវិស័យបវរកញ្ញាជាច្រើន បានចែករំលែកបង្ហាញការគាំទ្រយ៉ាងពេញចិត្ត និង សរសើរចំពោះការលះបង់របស់បវរកញ្ញារូបនេះដើម្បីប្រទេសជាតិផងដែរ៕
សូមចុចទីនេះដើម្បីទស្សនាវីដេអូ៖
