ជាការពិតណាស់ ប៉ុន្មានថ្ងៃចុងក្រោយនេះ រឿងរ៉ាវរបស់អ្នកនាង មាស សុខសោភា ហាក់ស្ងប់ស្ងាត់បន្តិចហើយ ខណៈតារាចម្រៀងល្បីរូបនេះ នៅតែបន្តភាពមមាញឹកក្នុងសិល្បៈដូចដើម ដោយរៀងរាល់សប្តាហ៍ អ្នកនាង មាស សុខសោភា តែងបង្ហាញខ្លួនក្នុងការប្រគំតន្ត្រីតូចធំជាច្រើន។
ដោយឡែក ក្រឡេកទៅមើលអ្នកគាំទ្រ និង មិត្តភក្តិទាំងក្នុង ក្រៅសិល្បៈជាច្រើន បានបង្ហាញអារម្មណ៍ព្រួយបារម្ភ និង លើកទឹកចិត្តដល់អ្នកនាង មាស សុខសោភា ជាបន្តបន្ទាប់ដូចគ្នា។
ជាក់ស្តែង ថ្មីៗនេះ អ្នកគាំទ្រ បាន និង កំពុងចាប់អារម្មណ៍ដល់មិត្តរួមជំនាន់ក្នុងវិថីសិល្បៈរបស់អ្នកនាង មាស សុខសោភា រួមមាន អ្នកនាង ឱក សុគន្ធកញ្ញា, អ្នកនាង យក់ ឋិត រដ្ឋា និង កញ្ញា ញឹម ចាន់ថន បានធ្វើរឿងយ៉ាងពិសេសសម្រាប់ម្ចាស់បទ «ហត់នឿយ» រូបនេះ។
១. អ្នកនាង ឱក សុគន្ធកញ្ញា
កាលពីថ្ងៃទី ១០ ខែឧសភា ឆ្នាំ ២០២៥ កន្លងទៅ អ្នកនាង មាស សុខសោភា បានសម្តែងនៅហាងល្បីមួយក្នុងទីក្រុងភ្នំពេញ ដោយអ្នកនាងបានលើកយកចម្រៀងមួយបទមានចំណងជើងថា «ក្រោកឈរ» មកបកស្រាយ។ មុននឹងចាប់ផ្តើមច្រៀង អ្នកនាង ឱក សុគន្ធកញ្ញា ក៏បានរៀបរាប់ ដោយបានផ្ញើចម្រៀងមួយបទនេះ ជូនទៅមិត្តសម្លាញ់របស់អ្នកនាង។ ក្នុងនោះ បើទោះជាអ្នកនាង ឱក សុគន្ធកញ្ញា មិនបានជម្រាបថាជាអ្នកណា តែអ្នកចូលរួមទស្សនាបានជ្រាបថា គឺជាអ្នកនាង មាស សុខសោភា។
២. អ្នកនាង យក់ ឋិតរដ្ឋា និង កញ្ញា ញឹម ច័ន្ទថន
កាលពីថ្ងៃទី ១៤ ខែឧសភា ឆ្នាំ ២០២៥ កន្លងទៅ អ្នកនាង មាស សុខសោភា បានបង្ហាញវត្តមានសម្តែងនៅហាងល្បីមួយកន្លែងដូចនឹងអ្នកនាង ឱក សុគន្ធកញ្ញា ដែរ ដោយនៅរាត្រីនោះ គឺមានវត្តមានរបស់អ្នកនាង យក់ ឋិតរដ្ឋា និង កញ្ញា ញឹម ច័ន្ទថន ទៅទស្សនាផ្ទាល់។ មិនត្រឹមតែប៉ុណ្ណោះ អ្នកនាង យក់ ឋិតរដ្ឋា និង កញ្ញា ញឹម ចាន់ថន ក៏បានកាន់បាច់ផ្កាយ៉ាងធំឡើងទៅលើឆាកជូនដល់អ្នកនាង មាស សុខសោភា ទៀតផង៕
សូមចុចទីនេះ ដើម្បីទស្សនាវីដេអូ ឱក សុគន្ធកញ្ញា៖
សូមចុចទីនេះ ដើម្បីទស្សនាវីដេអូ យក់ ឋិតរដ្ឋា និង កញ្ញា ញឹម ច័ន្ទថន៖
