កាលពីថ្ងៃទី ០៣ ខែមីនា ឆ្នាំ ២០២៥ កន្លងទៅនេះ មហាជន និង អ្នកក្នុងរង្វង់សិល្បៈជាច្រើន មានក្តីរន្ធត់ចិត្តខ្លាំងក្រោយទទួលដំណឹងមរណភាពរបស់ តារាសម្តែង និង ជា Freshie Boy ចំណាត់ថ្នាក់លេខ ១ ជំនាន់ទី ៨ ឆ្នាំ ២០០៩ លោក ប៉ែន ចាន់សិទ្ធិ។
ក្រោយទទួលបានដំណឹងដ៏សោកសង្រេងនេះដែរ មហាជន ជាពិសេសមិត្តសិល្បករជាច្រើន បានបង្ហាញអារម្មណ៍តក់ស្លុត សោកស្តាយ និង ចូលរួមរំលែកទុក្ខជាបន្តបន្ទាប់នៃការបាត់បង់សិល្បករមួយរូបនេះ។
យ៉ាងណាមិញ មូលហេតុនៃមរណភាពរបស់លោក ប៉ែន ចាន់សិទ្ធិ ក៏ត្រូវបានទម្លាយឱ្យដឹង តាមរយៈអ្នកម្តាយរបស់លោកក្នុងកិច្ចសម្ភាសន៍មួយថា លោក ប៉ែន ចាន់សិទ្ធិ មានជំងឺមហារីក រលាកសួត និង ក្រពោះពោះវៀន ហើយពិធីបុណ្យរៀបចំនៅវត្តតាំងក្រសាំងខាងជើង។
ងាកទៅកាន់ រាជិនីក្រមា មាន សូនីតា ដែលជា Freshie Girl រួមជំនាន់ និង ជាមិត្តសម្លាញ់របស់លោក ប៉ែន ចាន់សិទ្ធ វិញ បានបង្ហាញអារម្មណ៍យ៉ាងក្តុកក្តួល ដែលមិត្តភក្តិលារហូតដោយស្ងាត់ៗគ្មានថ្ងៃត្រឡប់។
ក្នុងនោះ កញ្ញា មាន សូនីតា បានរៀបរាប់ថា៖ «ហ្រ្វេសសុីជំនាន់ទី ៨ ឆ្នាំ ២០០៩ we’re love u. ពួកយើងបានបន្សល់រូបភាព និង អនុស្សាវរីយ៍ដ៏ស្រស់ស្អាត ពេលវេលាហាក់ដូចម្សិលមិញ ចាប់តាំងពីពួកយើងបានចូលប្រលងជាមួយគ្នា នៅផ្ទះជាមួយគ្នា ញ៉ាំអីជាមួយគ្នា ទៅថតជាមួយគ្នា នៅក្មេងមិនគិតច្រើន មិនខ្វល់ច្រើន ដឹងតែសប្បាយ ពេលវេលាឆ្លងកាត់ជាច្រើនឆ្នាំ យើងរវល់ការងារក៏មានជីវិតរៀងៗខ្លួន តែទោះបីជាពេលវេលាកន្លងផុតជាច្រើនឆ្នាំ តែពួកយើងមានឈែតជាមួយគ្នា សួរសុខទុកគ្នាជារឿយៗ ហើយពេលគាត់ឆ្លាក់ខ្លួនឈឺ ក៏គាត់វីដេអូខលមករកខ្ញុំទៀត ពិតជានិយាយទាំងក្តុកក្តួលមែន។ ពេលនេះពួកម៉ាក បានសុខហើយសូមឱ្យវិញ្ញាណក្ខន្ធបានទៅកាន់សុគតិភពកុំបីឃ្លៀងឃ្លាតឡើយណា សិទ្ធិ។ May his soul rest in peace friend»៕
សូមចុចទីនេះ ដើម្បីទស្សនាវីដេអូ៖
