កាលពីពេលថ្មីៗនេះ អ្នកគាំទ្រតារាចម្រៀងប្រចាំផលិតកម្មបារមី ច្បាស់ជាបានជ្រាបមកហើយពីការធ្វើដំណើរទៅកាន់សហរដ្ឋអាមេរិក ដោយមានដូចជា លោក វណ្ណដា, លោក វណ្ណថាន, លោក នរិទ្ធ, លោក យូហៃ និង កញ្ញា រ៉េត ស៊ូហ្សាណា ផងដែរ។
ជាក់ស្តែង ក្នុងការសម្តែងនៅឯ Asian Art Museum នារដ្ឋ San Franciso សិល្បករទាំង ៥ របស់ផលិតកម្មបារមី ទទួលបានការគាំទ្រយ៉ាងខ្លាំងពីសំណាក់ទស្សនិកជន ដោយសំបុត្រដាក់លក់បានអស់រលីង។ លើសពីនោះ ក្នុងការសម្តែងរបស់សិល្បករខ្មែររបស់ផលិតកម្មបារមី ដែលមានការរៀបចំឡើងដោយក្រុមហ៊ុនតន្ត្រី Empire នោះ គឺមានការផ្សព្វផ្សាយពីបណ្តាសារព័ត៌មានជាច្រើនរបស់អាមេរិកទៀតផង។
អ្វីដែលកាន់តែគួរឱ្យរំភើបនោះ មុន និង ក្រោយពីការសម្តែងរួចសិល្បករទាំង ៥ ខាងលើ ក៏បានជួបអ្នកគាំទ្រ ដើម្បីសំណេះសំណាល និង ចុះហត្ថលេខាផងដែរ ដោយក្នុងនោះ គេឃើញមានអ្នកគាំទ្រជនជាតិខ្មែរ និង បរទេសជាច្រើនបានឈរតម្រង់ជួរវែងដាច់កន្ទុយភ្នែក ដើម្បីសុំហត្ថលេខាពីសិល្បករ សិល្បការិនីកម្ពុជារបស់យើង៕
សូមចុចទីនេះ ដើម្បីទស្សនាវីដេអូ៖
