ចំពោះទំនាក់ទំនងរវាងលោក វ៉ាន់ ដាវីដ និង កញ្ញា ហេង បូនីកា ក្រោយពីធ្វើឱ្យមហាជនចាប់អារម្មណ៍សង្ស័យពីភាពផ្អែមល្ហែមរបស់អ្នកទាំងពីរមួយរយៈ កាលពីថ្មីៗកន្លងទៅ តារាប្រុសស្រីមួយគូនេះ ក៏បានបកស្រាយពីទំនាក់ទំនងច្បាស់ៗ ដោយបញ្ជាក់ឱ្យដឹងថាអ្នកទាំងពីរពុំមែនទាក់ទងគ្នាជាសង្សារនោះទេ។
ជាមួយគ្នានោះ តារាប្រុសស្រីមួយគូនេះ ក៏បានបញ្ជាក់ឱ្យដឹងថារាល់សកម្មភាពផ្អែមល្ហែមរបស់អ្នកទាំងពីរកន្លងមក គឺមិនមែនជាចំណងស្នេហាឡើយ គ្រាន់តែជាទំនាក់ទំនងពិសេសមួយ ដែលយល់ចិត្តស្និទ្ធស្នាល យកចិត្តទុកដាក់ជួយទុក្ខធុរៈគ្នាទៅវិញទៅមកប៉ុណ្ណោះ។
ដ្បិតតែបានបកស្រាយពីទំនាក់ទំនងច្បាស់ៗថាមិនមែនជាស្នេហា តែលោក វ៉ាន់ ដាវីដ និង ហេង បូនីកា ក៏នៅតែធ្វើឱ្យមហាជនអ្នកគាំទ្រចាប់អារម្មណ៍ខ្លាំង ដែលតែងឃើញសកម្មភាពរបស់អ្នកទាំងពីរកាន់តែផ្អែមល្ហែម និង បង្ហាញក្ដីស្រឡាញ់មើលថែគ្នា មិនដែលរំលងថ្ងៃពិសេសៗដូចគូសង្សារដទៃដែរ។
ជាក់ស្ដែង មួយរយៈក្រោយ ខណៈតារាស្រី ហេង បូនីកា មានទីផ្សារកាន់តែខ្លាំងលើវិស័យសិល្បៈទាំងវិស័យសម្ដែង និង ពិធីការិនី ព្រមទាំងថ្មីៗនេះ នាងក្ដោបបានតំណែងជាទូតសុឆន្ទៈរបស់ផលិតផលក្នុងស្រុកដ៏ធំមួយ ក្នុងនោះគេក៏ឃើញវត្តមានរបស់លោក វ៉ាន់ ដាវីដ តាមជួយមើលថែគាំទ្រ និង ជាមនុស្សសំខាន់ម្នាក់នៅពីក្រោយភាពជោគជ័យរបស់នាងផងដែរ៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
