បើគិតមកដល់ពេលនេះ រយៈពេលប្រមាណ ១ ឆ្នាំ មកហើយ ដែលតារាស្រី ភិន សុដាលីស បានចាកចេញពីប្រទេសកម្ពុជា ទៅរស់នៅសហរដ្ឋអាមេរិកជាមួយនឹងកូនស្រីបណ្តូលចិត្ត ខណៈកូនស្រីអ្នកនាង បាន និង កំពុងសិក្សានៅទីនោះ។
ជាការពិត បើទោះជាបានចាកចេញទៅរស់នៅឯសហរដ្ឋអាមេរិក ចាយជីវិតជាមួយនឹងកូនស្រី ព្រមទាំងបានរយាលដៃពីការងារសិល្បៈក្នុងស្រុកក្តី តែអ្នកនាង ភិន សុដាលីស នៅតែបន្តឈរជើងជាថៅកែហាងលក់ Contact Len នៅឡើយ ដោយហាងនៅក្នុងប្រទេសកម្ពុជា អ្នកនាងមានបុគ្គលិកជាអ្នកមើលថែ រីឯនៅសហរដ្ឋអាមរិក អ្នកនាងក៏បានលក់អនឡាញ សម្រាប់ភ្ញៀវកុម្មង់ទិញនៅសហរដ្ឋអាមេរិកដូចគ្នា។ លើសពីនោះ អ្នកនាង ភិន សុដាលីស ក៏បានបំពេញការងារធ្វើជាបុគ្គលិកនៅទីនោះ ដល់ទៅ ២ កន្លែងឯណោះ។
ដោយឡែក ងាកទៅកាន់ជីវិតរស់នៅឯសហរដ្ឋអាមេរិកឯណោះវិញ ថ្មីៗនេះ អ្នកនាង ភិន សុដាលីស បានធ្វើឱ្យមហាជនចាប់អារម្មណ៍យ៉ាងខ្លាំង ខណៈអ្នកនាង បានបង្ហោះវីដេអូបង្ហាញពីសកម្មភាពក្នុងការទៅទស្សនាក្រុមហ៊ុនយក្ស Meta នៅឯសហរដ្ឋអាមេរិកដោយផ្ទាល់។
ក្នុងការចូលទៅទស្សនាក្នុងក្រុមហ៊ុន Meta នោះដែរ អ្នកនាង ភិន សុដាលីស អាចចាត់ទុកថាជាតារាខ្មែរដំបូងហើយ ដែលមានឱកាសបានទៅដល់ទីនោះ៕
សូមចុចទីនេះ ដើម្បីទស្សនាវីដេអូ៖
