បើទោះជាមានព្រះជន្មទើបតែ ១៣ ព្រះវស្សា ក៏ពិតមែន ប៉ុន្តែព្រះនាងតូច នរោត្តម ចេនណា បានសាងកិត្តនាមយ៉ាងល្បីខ្ទរខ្ទារក្នុងនាមជាសិល្បការិនីវ័យក្មេងរបស់កម្ពុជា ដោយទទួលបានការគាំទ្រយ៉ាងខ្លាំងទាំងក្នុង និង ក្រៅប្រទេស។
ព្រះនាងតូច ចេនណា ត្រូវបានចាត់ទុកជាសិល្បការិនីពហុជំនាញមួយរូបដូចគ្នាដែរ ដោយព្រះនាង មានទេពកោសល្យទាំងផ្នែកចម្រៀង តន្ត្រី របាំបុរាណ សម័យ និង ការសម្តែងថែមទៀតផង។
ដោយឡែក ថ្មីៗកន្លងទៅនេះ មហាជនច្បាស់ជាបានជ្រាបមកហើយនូវព្រះរាជវត្តមានរបស់ព្រះនាងតូច នរោត្តម ចេនណា ក្នុងការដើរបង្ហាញម៉ូដក្នុងកម្មវិធី Fashion របស់អ្នកច្នៃម៉ូដដ៏ល្បីលោក Oliva Kong ក្នុងការដើរបិទ Show បង្ហាញម៉ូដសំលៀកបំពាក់ម៉ាកប្រ៊េន KALKIN ក្នុងប្រធានបទ «បុប្ផានៃវិស្ណុលោក»។ ក្នុងនោះ ឈុតដែលគ្រងដោយ ព្រះនាងតូច គឺមានឈ្មោះថា «ទេពអប្សរព្កុលមាសបរមវិស្ណុលោក»។
ជាការពិតណាស់ បើទោះជានេះ ជាលើកដំបូងនៃការបង្ហាញម៉ូដរបស់ព្រះនាងតូច នរោមត្តម ចេនណា តែមហាជនបានសរសើរនូវទេពកោសល្យរបស់ព្រះនាងតូច និង លោក Oliva Kong ដែលបានជ្រើសយកឈុត «ទេពអប្សរព្កុលមាសបរមវិស្ណុលោក» ជូនព្រះនាងតូច ដោយកាន់តែធ្វើឱ្យព្រះនាងតូចពោរពេញទៅអំណាច អង់អាចនៅបានសម្តែង៕
សូមចុចទីនេះ ដើម្បីទស្សនាវីដេអូ៖
