កាលពីថ្ងៃទី ០៥ ខែកក្កដា ឆ្នាំ ២០២៥ កន្លងទៅ អ្នកស្នេហាវិស័យចម្រៀង និង ចូលរួមការប្រគំតន្ត្រីច្បាស់ជាបានជ្រាបមកហើយ ពីវត្តមានរបស់សមាជិកក្រុមចម្រៀង K-Pop ល្បី 2NE1 ដែលបានមកសម្តែងនៅប្រទេសកម្ពុជា។
នៅឆាកប្រគំតន្ត្រីនោះដែរ ក៏មានវត្តមានរបស់ក្រុមតារាចម្រៀងរ៉េបរបស់កម្ពុជា La Cima Cartel ក៏បានបង្ហាញខ្លួនលើឆាកតែមួយដូចគ្នាដែរ។ ក្នុងនោះ សមាជិកទាំង ៧ រូបរបស់ La Cima Cartel រួមមាន លោក Hasha, លោក All3rgy, លោក Meezy24K, លោក មុត ភារិន, លោក YCN Tomie, លោក YCN Rakhie និង YCN Dizzy ក៏បានធ្វើឱ្យអ្នកគាំទ្ររាប់ពាន់នាក់ហ៊ោកញ្ច្រៀវយ៉ាងខ្លាំង នៅឯកោះពេជ្រ។
យ៉ាងណាមិញ ពីមួយបទទៅមួយបទកាន់តែធ្វើឱ្យអ្នកគាំទ្រស្រែកកញ្ចៀវរហូតដល់បទចុងក្រោយនៃការសម្តែងរបស់ La Cima Cartel បានធ្វើឱ្យអ្នកទៅព្រឺសម្បុរ និង ខ្លះហូរទឹកភ្នែក អួលដើមក ខណៈ លោក All3rgy និង លោក Hasha បានយកបទ «មិត្តរួមអាវុធ» មកបកស្រាយ។ លើសពីនោះ អ្នកគាំទ្របានចូលរួមច្រៀងបទ «ដែនដីខ្មែរ» ព្រមៗគ្នា ដើម្បីផ្តល់កម្លាំងចិត្តដល់កងទ័ព ដែលកំពុងឈរជើងនៅបន្ទាត់ព្រំដែនការពារទឹកដីកម្ពុជា៕
សូមចុចទីនេះ ដើម្បីទស្សនាវីដេអូ៖
