មហាជននិយមតាមដានទាំងការងារសិល្បៈ និង ជីវិតឯកជនរបស់ ឧកញ៉ា ខេមរៈ សិរីមន្ត ច្បាស់ជាធ្លាប់បានសរសើរមកហើយពី តារាចម្រៀងប្រចាំផលិតកម្មហ្គាឡាក់ស៊ី ណាវ៉ាត្រា រូបនេះ មិនត្រឹមតែជោគជ័យលើជីវិតការងារតែម្យ៉ាងនោះទេ ពោលគឺជីវិតគ្រួសារ ក៏ទទួលបានសុភមង្គលខ្លាំង ខណៈមានភរិយាជានារីដ៏ល្អ និង កូនៗសុទ្ធតែដើរតាមគន្លងធម៌។
ជាក់ស្តែង នៅថ្ងៃទី ២៩ ខែមេសា ឆ្នាំ ២០២៥ នេះ ឧកញ៉ា ខេមរៈ សិរីមន្ត បានបង្ហាញអារម្មណ៍រំភើបក្នុងនាមជាឪពុក ដែលបានឃើញកូនប្រុសច្បង គឺ ថុន ខេមរៈមន្តស្នេហ៍ បានឈ្នះមេដាយមាស និង បានបន្តការប្រកួតនៅក្រៅប្រទេស។
ក្នុងនោះ ឧកញ៉ា ខេមរៈ សិរីមន្ត បានរៀបរាប់ថា៖ «លោកប៉ាមានមោទកភាពចំពោះកូនប្រុស «មន្តស្នេហ៍» ខ្លាំងណាស់! កូនតែងតែធ្វើបាន «មេដាយមាស» ក្នុងចំណោម TOP 10 ហើយក៏បានជាប់ឈ្មោះទៅប្រឡងនៅក្រៅប្រទេសបន្តទៀតផងដែរ និង សូមកោតសរសើរចំពោះក្មួយៗដទៃទៀត ដែលបានចូលរួមការប្រឡងនេះ ដែលសុទ្ធតែពូកែ និង ឆ្លាតវាងវៃណាស់»៕
សូមចុចទីនេះ ដើម្បីទស្សនាវីដេអូ៖
