(វីដេអូ) ពូកែគ្រប់ជំនាញ! ស្ងាត់ៗ សាន្ត កុសុមៈ ត្រូវគេអញ្ជើញទៅច្រៀងផ្ទាល់ក្នុងកម្មវិធីទូរទស្សន៍មួយនៅចិន

ស្របពេលប្រមូលបានប្រជាប្រិយភាព និង មានសន្ទុះទីផ្សារខ្លាំងក្នុងវិស័យសិល្បៈ អ្វីកាន់តែចាប់អារម្មណ៍សរសើរចំពោះកញ្ញា សាន្ត កុសុមៈ គឺនាងកំពុងក្លាយជាតារាស្រីវ័យក្មេងពហុជំនាញ ដែលមិនត្រឹមមានសមត្ថភាពក្នុងការសម្ដែង ជាពិធីការិនី ជាតារាម៉ូឌែល និង ជាធីតាឯកដ៏ស្រស់ស្អាតនោះទេ តែនាងក៏មានដុងផ្នែកវិស័យចម្រៀងមួយទៀត ដោយទឹកដមសំឡេងរបស់នាងពីរោះមិនធម្មតាដែរ។

លើសពីនេះ មួយរយៈក្រោយនេះ សាន្ត កុសុម៉ា កាន់តែមានឥទ្ធិពលខ្លាំងអាចវាយលុកលើទីផ្សារសិល្បៈនៅក្រៅប្រទេស ដែលតែងឃើញទទួលបានការអញ្ជើញចូលរួមកម្មវិធីរបស់ប្រ៊េនល្បីៗ និង កម្មវិធីដើរបង្ហាញម៉ូដផ្សេងៗផងដែរ។

ដោយឡែក ថ្មីៗនេះ អ្វីដែលកំពុងធ្វើឱ្យអ្នកគាំទ្រចាប់អារម្មណ៍ចែករំលែក និង សរសើរខ្លាំងចំពោះ សាន្ត កុសុមៈ ទៀត ដោយស្ងាត់ៗបានឃើញវត្តមានរបស់តារាស្រីរូបនេះ ចូលរួមកម្មវិធីមួយលើទឹកដីប្រទេសចិន Legend of Ocean របស់ទូរទស្សន៍ Sansha TV ដែលនាងមានកិត្តិយសឡើងច្រៀងដោយផ្ទាល់ជាមួយនឹងឈុតសម្លៀកបំពាក់ប្រពៃណីខ្មែរដ៏ស្រស់ស្អាត។

ក្នុងនោះ សាន្ត កុសុមៈ បានឡើងបកស្រាយចម្រៀងក្នុងសម្លៀកបំពាក់ប្រពៃណីខ្មែរ ដែលច្រៀងជាភាសាខ្មែរ និង ជាភាសាចិនយ៉ាងពីរោះជាមួយតារាចម្រៀងប្រចាំប្រទេសចិនទៀតផង៕

សូមចុចទីនេះដើម្បីទស្សនាវីដេអូ៖

សូមចុចទីនេះដើម្បីទស្សនាវីដេអូ៖