ជាការពិតណាស់ មហាជននិយមតាមដានជីវិតឯកជនរបស់តារាចម្រៀងរ៉េប ជី ដេវីត ច្បាស់ជាបានជ្រាបមកហើយ ពីរឿងរ៉ាវគ្រួសាររបស់លោក ដោយប៉ាម៉ាក់របស់លោកបានចែកផ្លូវគ្នាជាយូរណាស់មកហើយ។
យ៉ាងណាមិញ នៅថ្ងៃទី ២៤ ខែមេសា ឆ្នាំ ២០២៥ កន្លងទៅនេះ លោកឪពុករបស់លោក ជី ដេវីដ គឺលោក រស់ កុសល បានរៀបការភរិយាទី ២ ហើយ នៅក្នុងស្រុកកំណើត នាទីរួមខេត្តបាត់ដំបង ដោយមានការចូលរួមពីសំណាក់ភ្ញៀវកិត្តិយសជាច្រើន។
ក្នុងនោះដែរ អ្វីដែលធ្វើឱ្យមហាជនមានការចាប់អារម្មណ៍នោះ ខណៈលោក ជី ដេវីដ ជាកូនប្រុស បានឡើងទៅជូនពរថ្ងៃសិរីមង្គលរបស់លោកឪពុក និង ភរិយាថ្មី ដោយកូនប្រុសរូបនេះ មិនត្រឹមតែឡើងជូនពរទេ តែចំអន់ឪពុកនៅលើឆាក បង្ហាញពីការគោរពស្រឡាញ់ និង ភាពស្និទ្ធស្នាលរវាងឪពុកកូនថែមទៀតផង។
លោក ជី ដេវីដ បានប្រើពាក្យលេងសើចជាមួយលោកឪពុក និង ភរិយាថ្មីរហូតធ្វើឱ្យភ្ញៀវក្នុងរោងស្រែកហ៊ោគឹល ត្រង់ឃ្លាថា៖ «ថ្ងៃនេះ ខ្ញុំឃើញថា គាត់ទទួលបានគូជីវិតជាទីសមប្រកបរបស់គាត់ ប៉ុន្តែមិនដឹងថា មីងសំណាង ឬកម្មនោះទេ?»។ យ៉ាងណាមិញ លោក ជី ដេវីដ ក៏បានជូនពរដល់លោកឪពុក និង ភរិយាថ្មី យ៉ាងរំភើបចិត្តផងដែរ៕
សូមចុចទីនេះ ដើម្បីទស្សនាវីដេអូ៖
