មហាជននិយមតាមដាន ពីសុខភាពរបស់កុមារា ឆលី ច្បាស់ជាបានជ្រាបហើយ ពីស្ថានភាពជំងឺរបស់ ឆលី បន្ទាប់ពីវះកាត់ដុំសាច់ក្នុងខួរក្បាលបានប្រមាណ ២ ខែ កន្លះ តែត្រូវដុះឡើងវិញ។ លើសពីនោះ អ្វីកាន់តែរន្ធត់ គ្រូពេទ្យប្រចាំរបស់ ឆលី បញ្ជាក់ថា ឆលី មិនអាចបន្តការព្យាបាលទៀតបានទេ បានត្រឹមប្រើប្រាស់ថ្នាំដើម្បីរក្សាពេលវេលារស់នៅជាមួយគ្រួសារ និង បងប្អូនមួយរយៈពេលប៉ុណ្ណោះ។
ក្នុងនោះដែរ ក្រោយទទួលដំណឹងរបស់កូនប្រុសដ៏អព័ភ្វហើយនោះ ក្រុមគ្រួសាររបស់ ឆលី គឺមិនបោះបង់ក្តីសង្ឃឹមឡើយ ដោយប៉ាម៉ាក់របស់ ឆលី បានស្វះស្វែងរកមធ្យោបាយ និង មន្ទីរពេទ្យក្រៅប្រទេសផ្សេងទៀត ដើម្បីព្យាបាលកូនប្រុស ដោយចុងក្រោយប៉ាម៉ាក់ ឆលី បានសម្រេចនាំ ឆលី ទៅព្យាបាលនៅប្រទេសម៉ាឡេស៊ី។
ជាក់ស្តែង កាលពីថ្ងៃទី ៣០ ខែមិថុនា ឆ្នាំ ២០២៥ កន្លងទៅនេះ ឆលី បានធ្វើដំណើរទៅដល់ប្រទេសម៉ាឡេស៊ីហើយ ដោយទៅដល់ភ្លាម ឆលី ក៏បានទៅកាន់មន្ទីរពេទ្យភ្លាមដែរ។ នេះបើតាមការឱ្យដឹង នៅលើផេកផ្លូវការរបស់ ឆលី ដែលមានប៉ាម៉ាក់ជាអ្នកកាន់។
ផេក ឆលី ក៏បានបញ្ជាក់ឱ្យដឹងថា៖ «ថ្ងៃនេះ ឆលី ចុះមកពីព្រលានភ្លាម ចូលជួបដុកទ័រភ្លាម ព្រោះដុកទ័រត្រូវការបូមឈាម ឆលី ច្រើន ដើម្បីបម្លែងព្យាបាលកោសិកាមហារីក បន្ទាប់មកដុកទ័រឱ្យស្ពង់ថ្នាំ ដើម្បីជួសជុលខួរក្បាលពេលបាញ់កាំរស្មី និង ប្រើគីមី។ ឆលី ថ្ងៃនឹងជួបពេទ្យសប្បាយ ព្រោះពេទ្យមានរបស់លេងលួង ឆលី ច្រើន។ អរគុណដុកទ័រទាំងអស់ ដែលស្រលាញ់ ឆលី ទទួលពួកខ្ញុំយ៉ាងកក់ក្ដៅ»៕
សូមចុចទីនេះ ដើម្បីទស្សនាវីដេអូ៖
