ថ្មីៗនេះ មហាជននៅតាមបណ្តាញសង្គមពិតជាមានការភ្ញាក់ផ្អើលយ៉ាងខ្លាំង ក្រោយពីឃ្លីបវីដេអូមួយដែលប្រធានាធិបតីប្រទេសបារាំងលលោក Emmanuel Macron ត្រូវបានភរិយាទះកំផ្លៀង ខណៈកំពុងរៀបចំចុះពីយន្តហោះ ដើម្បីទស្សនកិច្ចនៅវៀតណាម។
តាមព័ត៌មានបានឱ្យដឹងថា កាលពីថ្ងៃទី ២៥ ខែឧសភា ឆ្នាំ ២០២៥ កន្លងទៅ លោក Emmanuel Macron និង ភរិយាលោកស្រី Brigitte Macron បានធ្វើដំណើរទស្សនកិច្ចទៅកាន់ប្រទេសវៀតណាម ហើយខណៈកំពុងតែរៀបចំចុះពីលើយន្តហោះ គេសង្កេតឃើញថាលោក Macron បានឈរនិយាយគ្នាជាមួយភរិយានៅលើយន្តហោះមួយសន្ទុះ ក្រោយមកស្រាប់តែលោកស្រីក៏បានយកដៃរុញមុនលោកមួយទំហឹង មើលទៅហាក់ដូចទះកំផ្លៀង ដែលធ្វើឱ្យលោកងាកមុខមកចំកាមេរ៉ាល្មម តែក៏មិនបញ្ចេញអារម្មណ៍អ្វីឡើយ បានត្រឹមញញឹមស្ងួតដាក់កាមេរ៉ា។
យ៉ាងណាមិញ ក្រោយពីវីដេអូត្រូវបានគេចែកចាយពេញបណ្តាញសង្គម លោក Macron បានឱ្យដឹងថា វាគ្រាន់តែជាការលេងសើចរវាងលោក និង ភរិយាប៉ុណ្ណោះ លោកមិននឹកស្មានថាវាក្លាយទៅជារឿងធំដុំដល់ថ្នាក់នេះឡើយ ហើយក៏មិនគិតថាមហាជនបានយករឿងនេះទៅនិយាយពេញបណ្តាញសង្គមដែរ៕
សូមចុចទីនេះដើម្បីទស្សនាវីដេអូ៖
