អ្នកតាមដានការប្រកួតកម្មវិធី Miss Supranational Cambodia 2025 និង Mister Supranational Cambodia 2025 ច្បាស់ជាបានជ្រាបហើយថា មុននឹងឈានដល់វគ្គផ្តាច់ព្រ័ត្រនាថ្ងៃទី ០២ ខែមេសា ឆ្នាំ ២០២៥ ខាងមុខនេះ កម្មវិធីខាងលើ បានរៀបចំវគ្គបង្ហាញសមត្ថភាពផ្សេងៗគ្នាជាបន្តបន្ទាប់ហើយដែរ។
ជាក់ស្តែង នៅថ្ងៃទី ២៧ ខែមីនា ឆ្នាំ ២០២៥ នេះ ផេកផ្លូវការរបស់ស្ថាប័ន Supranational Cambodia បានបង្ហោះវីដេអូនៃការបង្ហាញសមត្ថភាពក្នុងវគ្គ «𝙎𝙐𝙋𝙍𝘼 𝙆𝙃𝙈𝙀𝙍 𝙏𝘼𝙇𝙀𝙉𝙏» ពីបេក្ខជន បេក្ខនារី ដើម្បីដណ្តើមរង្វាន់បុរសឯកទេពកោសល្យល្អបំផុតប្រចាំឆ្នាំ ២០២៥ និង កញ្ញាឯកទេពកោសល្យល្អបំផុតប្រចាំឆ្នាំ ២០២៥។ ក្នុងបេក្ខជន បេក្ខភាព Miss Supranational Cambodia 2025 និង Mister Supranational Cambodia 2025 បានបង្ហាញនូវសមត្ថភាពសិល្បៈជាច្រើនទម្រង់ មានទាំងបុរាណ សម័យ កំពុងទទួលបានការចាប់អារម្មណ៍យ៉ាងខ្លាំងថែមទៀតផង។
ងាកមកកាន់បេក្ខភាព លេចធ្លោមួយរូប គឺលោក ហ៊ាប ស៊ាងហុយ ម្ចាស់ពាន Mister Friendship Cambodia 2022 និង ជាបេក្ខភាពប្រកួត Mister Supranational Cambodia 2025 ពាក់ស្លាកលេខ ៣៨ ក៏កំពុងទទួលបានការចាប់អារម្មណ៍ពីមហាជនដែរ ក្នុងវគ្គបង្ហាញសមត្ថភាព «𝙎𝙐𝙋𝙍𝘼 𝙆𝙃𝙈𝙀𝙍 𝙏𝘼𝙇𝙀𝙉𝙏» ដោយលោកបានលើកយកឈុតរឿងរៀមកេរ្តិ៍ត្រង់ នាងសីតា មកសម្តែង ដោយកម្រមានបេក្ខភាពប្រកួតបុរសឯកណាយកមកបង្ហាញពីមុនមកណាស់។ លើសពីនោះ មហាជនបានសរសើរដល់លោកថា ហ៊ាប ស៊ាងហុយ ពិតជារាំ និង សម្តែងឈុតនេះចូលតួបានល្អ ដោយមានទឹកភ្នែករលីងរលោងកម្សត់តាមទៀតផង។
ក្នុងនោះ លោក ហ៊ាប ស៊ាងហុយ បានរៀបរាប់ថា៖ «ខ្មែរ talent មួយនេះខ្ញុំបង្ហាញជូន ដោយមោទកភាពជាខ្មែរ ដែលខ្ញុំតបស្នងទៅកាន់ទឹកដី ទីផ្ដល់កំណើត ទោះត្រឹមរយៈពេលមិនប្រមាណ ៣ នាទី វាខ្លីណាស់បើប្រៀបទៅនឹងលោកគ្រូ អ្នកគ្រូ សាស្រ្ដាចារ្យគ្រប់ជំនាន់ ដែលប្រើពេលពេញមួយជីវិត ដើម្បីវប្បធម៌! វាជាការខិតខំអស់ពីលទ្ធភាព ដើម្បីសិល្បៈបុរាណខ្មែរ!»៕
សូមចុចទីនេះ ដើម្បីទស្សនាវីដេអូ៖
