មហាជនតាមដាន ពីតារាចម្រៀងស្រី ទេព បូព្រឹក្ស និង តារាចម្រៀងរ៉េប ជី ដេវីត ច្បាស់ជាបានជ្រាបមកហើយថា ក្រោយពីបានចងចំណងស្នេហ៍អស់រយៈពេលច្រើនឆ្នាំ និង បានចុះអេតាស៊ីវិលជាប្តីប្រពន្ធស្របច្បាប់ ព្រមទាំងទទួលបានចំណងដៃកូនប្រុសម្នាក់រួចរាល់ហើយនោះ កាលពីថ្ងៃទី ១២ ខែមករា ឆ្នាំ ២០២៤ កន្លងទៅនេះ ប្តីប្រពន្ធអ្នកសិល្បៈរូបនេះ បានធ្វើឱ្យអ្នកគាំទ្រ និង មិត្តភក្តិរំភើបចិត្តយ៉ាងខ្លាំង ក្រោយពីអ្នកទាំង ២ រៀបចំកម្មវិធីយ៉ាងរ៉ូមែនទិច នៅឯមាត់សមុទ្រប្រកាសថ្ងៃរៀបការតាមប្រពៃណីជាផ្លូវការ។
ក្នុងនោះ ពិធីមង្គលការរបស់អ្នកនាង ទេព បូព្រឹក្ស និង លោក ជី ដេវីត នឹងរៀបចំឡើងនៅថ្ងៃទី ៧ ខែមិថុនា ឆ្នាំ ២០២៥ ខាងមុខ ដោយបានត្រៀមយ៉ាងអធឹកអធម ដោយមានទាំងការជប់លៀងបន្ទាប់ពីមង្គលការទៀតផង។
ដោយឡែក ក្រោយប្រកាសពីវេលាល្អច្បាស់លាស់ហើយនោះ ភ្លាមៗគូស្វាមីភរិយាមួយគូនេះ បានដឹកដៃគ្នាទៅថត Pre-Wedding នៅឯប្រាសាទអង្គរវត្តយ៉ាងស្រស់ស្អាត បែបបុរាណ។ មិនត្រឹមតែប៉ុណ្ណោះ ថ្មីៗនេះ អ្នកនាង ទេព បូព្រឹក្ស និង លោក ជី ដេវីត បានទៅប្រទេសជប៉ុន ដើម្បីផ្តិតយករូបភាពសម្រាប់តាំងក្នុងថ្ងៃមង្គលជ័យថែមទៀតផង។
ជាក់ស្តែង អ្វីដែលកំពុងធ្វើឱ្យមហាជនចាប់អារម្មណ៍ និង សរសើរដល់អ្នកនាង ទេព បូព្រឹក្ស និង លោក ជី ដេវីត បន្ទាប់ពីបានឃើញវីដេអូខ្លីៗនៃការថតឈុតព្រះថោង តោងស្បៃនាងនាគ លើព្រិលទឹកកកនាប្រទេសជប៉ុនរបស់គូនេះ៕
សូមចុចទីនេះ ដើម្បីទស្សនាវីដេអូ៖
