ពិតណាស់ ជុំវិញរឿងវីដេអូ Prank ក្មេងស្រីលក់សណ្ដែកដីរបស់តារា TikTok កាកា កំពុងក្លាយជាប្រធានបទដ៏ក្ដៅគគុក ដែលត្រូវបានមហាជនអ្នកលេងបណ្ដាញសង្គមជាច្រើនបានផ្ទុះការចែករំលែកវែកញែកខ្លាំងលើតារា TikTok រូបនេះ។
ទាក់ទងនឹងរឿងរ៉ាវធ្វើឱ្យមហាជនផ្ទុះការវែកញែករិះគន់ខ្លាំងនេះដែរ ក្រោយពីបានឃើញសកម្មភាពរបស់តារា TikTok រូបនេះ បានថត Prank ក្មេងស្រីអ្នកលក់សណ្ដែកដីរូបនោះ ដោយមានចេតនាចាក់សណ្ដែកដីរបស់ក្មេងស្រីនោះចោល រួចក៏ប្រាប់នាងថាជាការ Prank លេង និង បានយកលុយចំនួន ១០ ម៉ឺនឱ្យនាងវិញ ដែលទង្វើនេះ ធ្វើឱ្យមហាជនមានការមិនពេញចិត្តជាខ្លាំងចំពោះនាង ដោយចាត់ទុកថាជាទង្វើមើលងាយចំពោះអ្នកដទៃ។
ដោយឡែក ក្រោយពីទទួលបានការរិះគន់មិនពេញចិត្តខ្លាំងពីមហាជនជាច្រើន ពេលនេះដែរ ក៏បានឃើញតារា TikTok កាកា បានផុស Story និង ឡាយវីដេអូនិយាយបកស្រាយជុំវិញរឿងវីដអូ Prank នេះថា គ្រាន់តែជាការថតសម្ដែងលេងជាមួយក្មេងស្រីលក់សណ្ដែកដីប៉ុណ្ណោះ ដោយនាង និង ក្មេងស្រីលក់សណ្ដែកដីនោះ បានរួមដៃគ្នាសម្ដែង Prank ម្ចាស់ប៊្រេនម្នាក់ក្នុងវីដេអូនោះទេ គឺពុំមែននាង និង ម្ចាស់ប្រ៊េនអ្នក Prank ក្មេងស្រីនោះឡើយ៕
សូមចុចទីនេះដើម្បីទស្សនាវីដេអូ៖
