មហាជនអ្នកគាំទ្រតាមដានជីវិតឯកជនរបស់កំពូលតារាចម្រៀងស្រី មាស សុខសោភា បានជ្រាបហើយពាក់ព័ន្ធនឹងរឿងរ៉ាវលែងលះរវាងកំពូលតារាចម្រៀងរូបនេះ និង អតីតស្វាមី ព្រមទាំងរឿងរ៉ាវរវាងអ្នកនាង ជាមួយ តាសក់សភ្នំត្បែង ដែលធ្វើឱ្យមហាជនលើបណ្ដាញសង្គមផ្ទុះការវែកញែកខ្លាំង។
ដោយឡែក ក្រោយស្ងប់ស្ងាត់មួយរយៈជុំវិញរឿងឯកជនរបស់អ្នកនាង មាស សុខសោភា ស្រាប់តែមកដល់ថ្ងៃទី ២១ ខែកក្កដា ឆ្នាំ ២០២៥ នេះ លើហ្វេសប៊ុកមហាជនបានផ្ទុះចាប់អារម្មណ៍ចែករំលែក និង មានការភ្ញាក់ផ្អើលជាថ្មី បន្ទាប់ពីបានទទួលដំណឹងថាតាសក់សភ្នំត្បែងរូបនោះ បានប្រកាសលើហ្វេសប៊ុកថាជាស្វាមីរបស់ អ្នកនាង មាស សុខសោភា។
នេះបើតាមរយៈហ្វេសប៊ុកផេក អង្គមហាឦស្វរៈសិវមោក្ខ-ពេជ្រ សង្វារវង្ស ហៅ លោកតាសក់សភ្នំត្បែង បានធ្វើការឡាយវីដេអូរយៈពេលជាង ២ ម៉ោង ដែលនៅត្រង់ចំណុចនាទីទី ១:0៨:00 លោកបានប្រកាសច្បាស់ៗពីទំនាក់ទំនងរវាងលោក និង កំពូលតារាចម្រៀង មាស សុខសោភា ដោយជាការឆ្លើយតបបញ្ជាក់ការសង្ស័យរបស់មហាជនកន្លងមក ឱ្យដឹងថាលោក គឺស្វាមីបច្ចុប្បន្ន របស់កំពូលតារាចម្រៀង មាស សុខសោភា ទៀតផង៕
សូមចុចទីនេះដើម្បីទស្សនាវីដេអូ៖
