បន្ទាប់ពីគ្រងមកុដ Miss Cosmo Cambodia 2025 ប៉ុន្មានថ្ងៃ មកដល់ថ្ងៃទី ៤ ខែមិថុនា ឆ្នាំ ២០២៥ នេះ ក៏បានឃើញវត្តមានរបស់កញ្ញា ផន ស្រីពី និង កញ្ញា ប៊ី សុធារី លើដឹកដីប្រទេសវៀតណាមក្នុងនាមជាសមាជិក Miss Cosmo ដែលត្រូវបានអញ្ជើញចូលរួមកម្មវិធី Fashion Show ដ៏ធំមួយរបស់វៀតណាម គឺ «The Moon fashion show»។
ក្នុងនោះដែរ ម្ចាស់មកុដ MCC 2025 និង បវរកញ្ញាឯករងរូបនេះ បានដើរបង្ហាញម៉ូតឈុតជាគូលើឆាក Fashion Show នេះ ដែលទទួលបានការចាប់អារម្មណ៍សរសើរខ្លាំងពីភាពលេចធ្លោ និង ជឿជាក់របស់អ្នកទាំងពីរ ដើរបានស្អាតខ្លាំងលើឆាកដ៏ធំនេះ។
ដោយឡែក ក្រោយបញ្ចប់ការដើរម៉ូតនេះភ្លាម ក៏បានឃើញមានការចែករំលែកវីដេអូនៃសកម្មភាពរបស់បវរកញ្ញា ផន ស្រីពី លើបណ្ដាញសង្គម TikTok ដោយមានការវែកញែកខ្លះៗលើកាយវិការរបស់នាង ពេលដើរបង្ហាញម៉ូតនោះហាក់មិនសូវសមរម្យចំពោះអ្នកច្នៃម៉ូតរបស់កម្មវិធី ខណៈអ្នកច្នៃម៉ូតរូបនោះ បានហុចដៃកាន់នាង ប៉ុន្តែនាងមិនបានចាប់អារម្មណ៍ និង បន្តដើរម៉ូតធម្មតាដោយភាពជឿជាក់។
ស្របពេលនោះដែរ ក៏បានឃើញ បវរកញ្ញា ផន ស្រីពី ចូលខមមិនបង្ហាញការសុំទោសភ្លាមៗ និង បកស្រាយជុំវិញសកម្មភាពអចេតនារបស់នាង ព្រោះពេលដែលនាងធ្វើការហាត់សមឆាក គឺពុំមានការកាន់ដៃគ្នាឡើយ ដោយជាហេតុធ្វើឱ្យនាងគ្រាន់តែបំពេញទៅតាមការងារសមប៉ុណ្ណោះ។ ក្នុងនោះ ផន ស្រីពី បានរៀបរាប់ថា «Noo I’m sorry because when we do a rehearsal we didn’t have to holding hand I’m apologized»៕
សូមចុចទីនេះដើម្បីទស្សនាវីដេអូ៖
