រយៈពេលជិត ១ សប្ដាហ៍ហើយ ដែលកម្មវិធីប្រកួតសម្រស់អន្តរជាតិ Miss Global 2025 បានបើកដំណើរការជាផ្លូវការលើទឹកដីកម្ពុជា ធ្វើជាម្ចាស់ផ្ទះរយៈពេល ៩ ថ្ងៃ ដោយមានការរៀបចំកម្មវិធីផ្សេងៗទទួលស្វាគមន៍បេក្ខភាពបវរកញ្ញាមកពី ៦១ ប្រទេសជុំវិញពិភពលោក។
យ៉ាងណាមិញ បន្ទាប់ពីកម្មវិធី Miss Global 2025 បានរៀបចំកម្មវិធីផ្សេងៗ ក៏ដូចជាឱ្យបវរកញ្ញានីមួយៗដើរធ្វើទស្សនកិច្ចលើទឹកដីកម្ពុជាលើទីតាំងល្បីៗជាច្រើន ពេលនេះដែរ បវរកញ្ញានីមួយៗក៏ត្រៀមចេញដំណើរទៅប្រកួតបន្តនៅឯប្រទេសថៃ នៅថ្ងៃទី ៣ ខែមីនា ឆ្នាំ ២០២៥ ខាងមុខ។
យ៉ាងណាមិញ មុខនឹងធ្វើដំណើរទៅប្រកួតបន្តលើឆាកអន្តរជាតិនៅប្រទេសថៃ ក្រឡេកចាប់អារម្មណ៍បេក្ខភាពបវរកញ្ញាកម្ពុជា ខុន ស្រីខួច វិញ កំពុងផ្ទុះការសរសើរខ្លាំងពីបណ្ដាអ្នកគាំទ្រកម្ពុជា ក្រោយពីបានឃើញនាងថតបង្ហាញនូវឈុតតំណាងជាតិសម្រាប់ត្រៀមយកទៅប្រកួតលើឆាកអន្តរជាតិនេះ។
ក្នុងនោះ ខុន ស្រីខួច បានលើកយកឈុតតំណាងជាតិប្លែកពីឈុតតំណាងជាតិកន្លងមក ដែលមានឈ្មោះថា «លោកតាដំបងក្រញូង» ដោយបានលាបខ្លួនខ្មៅតុបតែងគ្រងឈុតរំលេចក្បាច់ខ្មែរដូចនឹងរូបចម្លាក់លោកតាដំបងក្រញូង នៅឯខេត្តបាត់ដំបង ដែលបានថតបង្ហាញនូវមុខផ្ទាំងប្រាសាទខ្មែរ និង ត្រៀមយកទៅប្រកួតលើឆាកប្រទេសថៃ ក្នុងវគ្គប្រកួតបឋមនៅថ្ងៃទី ៧ ខែមីនា ឆ្នាំ ២០២៥ នេះដែរ៕
សូមចុចទីនេះដើម្បីទស្សនាវីដេអូ៖
