មហាជននិយមតាមដានជីវិតឯកជនរបស់អតីត Freshie Boy លោក គឹម សីហា ច្បាស់ជាបានជ្រាបមកហើយ ក្រោយពីរៀបការសាងគ្រួសារនឹងអ្នកនាង គង់ ចាន់ស្រីមុំ ព្រមទាំងទទួលបានចំណងដៃអាពាហ៍ពិពាហ៍កូនស្រីមួយរូបហើយនោះ លោក គឹម សីហា និង អ្នកនាង គង់ ចាន់ស្រីមុំ ត្រូវបានចាត់ទុកថា ជាគូស្វាមីភរិយា ដែលជោគជ័យខ្លាំងទាំងការងារសិល្បៈ និង ជីវិតគ្រួសារ។
ជាការពិតណាស់ តាំងពីចាប់ដៃគ្នាសាងគ្រួសារមក គេបានសង្កេតឃើញ លោក គឹម សីហា និង អ្នកនាង គង់ ចាន់ស្រីមុំ តែងប្រឹងប្រែងរកស៊ីបង្កើនជំនួញបន្តបន្ទាប់ ពោលគឺ ការងារសិល្បៈក៏ធ្វើ ការងាររកស៊ីក៏ប្រឹង។
ដោយឡែក បើទោះជាការរកស៊ីច្រើនកន្លែងអាចរកចំណូលបានយ៉ាងច្រើនហើយនោះ ថ្មីៗនេះ គេបានឃើញលោក គឹម សីហា បានបង្ហាញវត្តមានយ៉ាងសាមញ្ញ ដាក់តូបលក់ភេសជ្ជៈប្រ៊េនផ្ទាល់ខ្លួននៅឯ Walk Street រៀងរាល់ចុងសប្តាហ៍។ ក្នុងនោះដែរ មហាជនមិនត្រឹមតែសរសើរពីការប្រឹងប្រែងរបស់លោក គឹម សីហា នោះទេ តែគេបានសរសើរថា លោក គឹម សីហា ជាស្វាមីល្អ និង ប៉ាៗល្អផងដែរ ដែលធ្វើការសព្វគ្រប់បែបយ៉ាងដើម្បីឱ្យប្រពន្ធកូនរស់នៅសុខស្រួល៕
សូមចុចទីនេះ ដើម្បីទស្សនាវីដេអូ៖
