មហាជនអ្នកគាំទ្រវិស័យបវរកញ្ញាតាមដានកម្មវិធី Miss Supranational Cambodia 2025 បានស្គាល់ហើយពីស្រីស្អាត ហុក សារីតុលា ដែលនាងមានតំណែងជាលំដាប់រងទី ២ នៃកម្មវិធី MSC 2025។
ដ្បិតតែប្រកួតជាប់ត្រឹមលំដាប់រងទី ២ MSC 2025 មែន តែកន្លងមក កញ្ញា ហុក សារីតុលា ទទួលបានការស្រឡាញ់ពេញចិត្ត និង គាំទ្រពីមហាជនមិនធម្មតាដែរ ជាមួយនឹងភាពលេចធ្លោរបស់នាងក្នុងវិស័យនេះ មានទាំងរូបសម្រស់ សមត្ថភាព និង ចំណេះដឹង។
ដោយឡែក ក្រោយគ្រងតំណែងជាលំដាប់រងទី ២ នៃកម្មវិធី Miss Supranational Cambodia 2025 មួយរយៈ មកដល់ថ្មីៗនេះ អ្វីកាន់តែចាប់អារម្មណ៍ចំពោះបវរកញ្ញា ហុក សារីតុលា ខណៈទទួលដំណឹងថានាងក្ដោបបានឱកាសដ៏ធំក្លាយជាម្ចាស់មកុដថ្មីនៃ Miss Intercontinental Cambodia 2025 ត្រៀមតំណាងកម្ពុជាប្រកួតលើឆាកអន្តរជាតិក្នុងឆ្នាំ ២០២៥ នេះ។
ចំពោះតំណែងជាម្ចាស់មកុដថ្មី MIC 2025 នេះដែរ ហុក សារីតុលា កំពុងត្រូវបានមហាជន ក៏ដូចជារៀមច្បងបវរកញ្ញាជាច្រើនចែករំលែកអបអរ និង គាំទ្រពេញចិត្តខ្លាំង ដែលមើលឃើញពីភាពស័ក្តិសមរបស់នាងក្នុងការតំណាងកម្ពុជាលើឆាកអន្តរជាតិផងដែរ៕
សូមចុចទីនេះដើម្បីទស្សនាវីដេអូ៖
