អ្នកគាំទ្រតារាស្រីពហុជំនាញ អ្នកនាង ខាត់ សុឃីម ច្បាស់ជាបានឃើញហើយនូវទឹកចិត្តរបស់អ្នកនាង ដែលតែងតែជួយដល់មិត្តក្នុងសិល្បៈតាមរយៈការអញ្ជើញមករួមការងារជាមួយ ជាដើម។
កន្លងមក អ្នកនាង ខាត់ សុឃីម ធ្លាប់បានអញ្ជើញអ្នកនាង សំប៉ូ លីដា មកច្រៀងក្នុងវង់តន្ត្រីជាមួយដែរ ដោយអ្នកនាងទទួលបានការសរសើរពីអ្នកគាំទ្រ ថាពិតជាសិល្បការិនីដែលចេះជួយមិត្តសិល្បៈឱ្យមានចំណូលដូចៗគ្នា។
ដោយឡែក ថ្មីៗកន្លងទៅនេះ អ្នកនាង ខាត់ សុឃីម បានអញ្ជើញលោក ហេង ប៊ុនលាភ និង លោក ឈឿន ឧត្តម មកច្រៀងភ្លេងការជាមួយថែមទៀត ដោយខុសពីការងារសព្វមួយដង ដែលជាទូទៅលោក ហេង ប៊ុនលាភ និង លោក ឈឿន ឧត្តម ធ្លាប់តែច្រៀងចម្រៀងសម័យៗ៕
