ថ្មីៗនេះ អ្នកលេងបណ្តាញសង្គមហ្វេសប៊ុក ច្បាស់ជាបានជ្រាបមកហើយនូវការចែករំលែកតៗគ្នានូវពាក្យ «ភ្លក្ស» បន្ទាប់ពី តារាស្រី ឈីងលីន បានចែករំលែកនូវបទពិសោធស្នេហានៅក្នុងកម្មវិធីសម្ភាសមួយ។
ស្របគ្នានោះដែរ មហាជនក៏បានចាប់អារម្មណ៍នឹងវីដេអូខ្លីមួយរបស់ កញ្ញា នួន ណត្ថិយា គូដណ្តឹងរបស់តារាប្រុស ជា លាងឈែ ដែលបានបង្ហោះចែករំលែកនូវការរើសដៃគូរបស់កញ្ញា ដោយវីដេអូនោះបានភ្ជាប់នូវសារថា៖ «៣៥ ឆ្នាំ សមរម្យនឹងចែករំលែករឿងស្នេហាបាន»។
ងាកទៅកាន់ខ្លឹមសារក្នុងវីដេអូឯណោះវិញ កញ្ញា នួន ណត្ថិយា បានឱ្យដឹងថា៖ «… សម្រាប់ខ្ញុំ ចាប់ផ្តើមភ្លាមអត់ត្រូវការភ្លក្សទេ! ទី ១៖ ខ្ញុំមើលទៅលើរូបសម្បត្តិ ធម្មតារូបសម្បត្តិនៅលើគេហើយ ថាបុរសម្នាក់ហ្នឹងសមយើងអត់ កម្ពស់កម្ពរ ពណ៌សម្បុរ។ ទី ២៖ ចំណង់ចំណូលចិត្ត ដូចយើងអត់ ស្របយើងអត់?។ ទី ៣៖ អត្តចរិត សម្តីសំដៅ យើងទទួលយកបានអត់? បន្ទាប់មក យើងស្តាប់អ្នកដទៃ ព្រោះខ្ញុំឮក្មេងៗថា គាត់អត់យោបល់អ្នកដទៃទេ គាត់ភ្លក្សយកហ្មង»។
លើសពីនោះ អ្វីដែលគួរឱ្យចាប់អារម្មណ៍ គូដណ្តឹងលោក លាងឈែ បានបន្តនិយាយពីតារាប្រុសរូបនេះ ថាសម្រាប់កញ្ញា និង លោក លាងឈែ គឺមិនដែលស្គាល់គ្នានោះទេ ដូច្នេះកញ្ញាត្រូវតែសុំយោបល់ពីអ្នកដទៃ ហើយនាងទទួលបានចម្លើយដូចៗគ្នាច្រើន ថាលោក លាងឈែ គឺជាមនុស្សល្អ៕
សូមចុចទីនេះ ដើម្បីទស្សនាវីដេអូ
