អ្នកគាំទ្រនិយមតាមដានពីពិធីករមានប្រជាប្រិយភាព លោក ទ្រីវ ដេវិដ ច្បាស់ជាបានជ្រាបហើយ កាលពីថ្ងៃទី ១៦ ខែកញ្ញា ឆ្នាំ ២០២៥ កន្លងទៅ លោកបានផ្តល់ដំណឹងពីការផ្អាកទទួលការងារមួយរយៈធំ ខណៈមានបញ្ហាសុខភាព។
ក្នុងការប្រកាសដំណឹងពីការផ្អាកការងារមួយរយៈនោះ លោក ទ្រីវ ដេវិដ ក៏មិនបានបញ្ជាក់ថា លោកមានបញ្ហាសុខភាពផ្នែកអ្វីនោះឡើយ ដែលធ្វើឱ្យអ្នកគាំទ្រ និង មិត្តភក្តិជាច្រើនបានបង្ហាញការព្រួយបារម្ភដល់លោកយ៉ាងខ្លាំង។
យ៉ាងណាមិញ បើទោះជាមិនបានប្រាប់ពីស្ថានភាពសុខទុក្ខនៅពេលនេះដោយផ្ទាល់ក៏ពិតមែន ប៉ុន្តែបើតាមការបង្ហោះវីដេអូពីមិត្តភក្តិ ដែលបានទៅសួរសុខទុក្ខលោក បានឱ្យឃើញថា ពេលនេះលោក ទ្រីវ ដេវិដ កំពុងសម្រាកព្យាបាលនៅមន្ទីរពេទ្យ។
តាមរយៈវីដេអូនោះដែរ បើទោះជាទឹកមុខ ដេវិដ នៅស្រស់បស់ក៏ពិតមែន ប៉ុន្តែពិធីករវ័យក្មេងរូបនេះ មិនសូវជានិយាយស្តីនោះឡើយ ដែលជាហេតុធ្វើឱ្យអ្នកគាំទ្រលើកឡើងថា លោកអាចនឹងមានបញ្ហាសុខភាពផ្នែកបំពង់កក៏ថាបាន។ ក្នុងនោះ អ្នកគាំទ្រ និង មិត្តភក្តិទាំងក្នុង ក្រៅសិល្បៈជាច្រើនក៏បានជូនពរឱ្យលោកឆាប់ជាសះស្បើយផងដែរ៕
សូមចុចទីនេះ ដើម្បីទស្សនាវីដេអូ៖
