(វីដេអូ) ប្ដីល្អតែងឈរក្បែរប្រពន្ធ! ជី ដេវីត ជូន ទេព បូព្រឹក្ស ទៅម៉ាឡេស៊ី នាំយកវប្បធម៌ខ្មែរទៅសម្ដែងទស្សនីយភាពចម្រៀងដ៏អស្ចារ្យ ក្នុងកម្មវិធីអន្តរជាតិដ៏ធំ

កាលពីដើមខែមេសា ឆ្នាំ ២០២៥ កន្លងទៅ មហាជនអ្នកគាំទ្ររបស់តារាចម្រៀងស្រី ទេព បូព្រឹក្ស បានជ្រាបហើយពីដំណឹងដ៏រំភើបអបអរមួយ ដែលអ្នកនាងត្រូវបានអញ្ជើញឱ្យតំណាងជាសិល្បករកម្ពុជាចូលរួមក្នុងកម្មវិធីអន្តរជាតិដ៏ធំ គឺ 2025 ROUND Festival នៅឯប្រទេសម៉ាឡេស៊ី។

តាមរយៈការជូនដំណឹងពេលនោះដែរ អ្នកនាង ទេព បូព្រឹក្ស បានឱ្យដឹងដែរថា អ្នកនាងនឹងត្រៀមនាំយកការសម្ដែងទស្សនីយភាពសិល្បៈខ្មែរច្រើនទម្រង់បែបសហសម័យមាន ល្ខោនខោល, របាំមណីមេខលា និង អប្សរា ក្នុងបទចម្រៀង «ទេវរាជ» ជាលើកដំបូងលើឆាកអន្តរជាតិនេះ។

ចំពោះព្រឹត្តិការណ៍ ROUND Festival 2025 ត្រូវបានគេដឹងថាជាកម្មវិធីមហោស្រពតន្រ្តីអាស៊ាន-កូរ៉េ «Asian Korea Music Festival» ដែលរៀបចំឡើងជារៀងរាល់ឆ្នាំនៅលើទឹកដីប្រទេសកូរ៉េ តែសម្រាប់ឆ្នាំ ២០២៥ នេះ ROUND Festival នឹងប្រព្រឹត្តឡើងនៅថ្ងៃទី ២១ និង ២២ ខែមិថុនា ឆ្នាំ ២០២៥ នៅឯប្រទេសម៉ាឡេស៊ី មានការចូលរួមពីកំពូលតារាចម្រៀងល្បីៗនៅបណ្ដាប្រទេសអាស៊ាន និង ប្រទេសកូរ៉េខាងត្បូង។

យ៉ាងណាមិញ មកដល់ថ្ងៃទី ១៩ ខែមិថុនា ឆ្នាំ ២០២៥ នេះ អ្នកនាង ទេព បូព្រឹក្ស ជាមួយក្រុមសម្ដែងសិល្បៈបុរាណ និង សម័យ បានចេញដំណើរទៅកាន់ប្រទេសម៉ាឡេស៊ីហើយ ដើម្បីត្រៀមចូលរួមសម្ដែងទស្សនីយភាពដ៏អស្ចារ្យក្នុងកម្មវិធីអន្តរជាតិ ROUND Festival នៅថ្ងៃទី ២១ ខែមិថុនា ឆ្នាំ ២០២៥ នេះ។ ជាមួយគ្នានោះ ក៏បានឃើញវត្តមានរបស់លោក ជី ដេវីត ស្វាមីជាទីស្រឡាញ់របស់តារាស្រីរូបនេះ បានជូនអ្នកនាងទៅដោយផ្ទាល់ ធ្វើជាជំនួយការផ្ទាល់ខ្លួន និង លើកទឹកចិត្តដល់ភរិយា ក្នុងឱកាសជួយផ្សព្វផ្សាយ និង លើកមុខមាត់សាងកិត្តិយសជូនប្រទេសជាតិផងដែរ៕

សូមចុចទីនេះដើម្បីទស្សនាវីដេអូ៖