បើនិយាយពីបវរកញ្ញាពោរពេញដោយប្រជាប្រិយភាពកញ្ញា ប៊ី សុធារី មកដល់ពេលនេះ ទោះមានតំណែងជាបវរកញ្ញា ឬ មិនមាន នាងក៏នៅតែជាបវរកញ្ញាមានសក្ដានុពលក្នុងចិត្តមហាជនអ្នកគាំទ្រដដែលចំពោះរូបនាង ដែលអ្នកគាំទ្រនៅតែបន្តតាមដានគាំទ្រដល់រូបនាងមិនថាចូលរួមកម្មវិធីបវរកញ្ញា ឬ កម្មវិធីផ្សេងៗ។
ជាពិសេស តែងឆក់ការចាប់អារម្មណ៍ពីសកម្មភាពលើបណ្ដាញសង្គម ដែលនាងតែងបង្ហាញពីស្ទីលលេងខ្លួនថ្មីៗហូរហែ ដោយរូបភាពមួយៗក្នុងឈុតដ៏ស្រស់ស្អាតរំលេចលើដងខ្លួនយ៉ាងស្រឡូនទាក់ទាញឥតទាស់របស់នាង ដែលមើលទៅកាន់តែស្រស់ស្អាតប្លែកខ្លាំងពីមួយថ្ងៃទៅមួយថ្ងៃ។
ដោយឡែក ថ្មីៗនេះ អ្វីដែលមហាជនកំពុងចាប់អារម្មណ៍ខ្លាំង ស្របពេល ប៊ី សុធារី បង្ហាញរូបភាពប៉ុន្មានសន្លឹកជាមួយមិត្តស្និទ្ធស្នាល អ៊ិន លក្ខិណា Miss Cosmo Cambodia 2024 ដែលកំពុងផ្ទុះប្រជាប្រិយភាពនោះ ស្រាប់តែត្រូវបានអ្នកលេងបណ្ដាញសង្គមមួយចំនួនថានាងអែបអបទាញភាពល្បីល្បាញពីបវរកញ្ញារូបនេះទៀតផង។
ក្រោយមានអ្នកបញ្ចេញមតិបែបនេះលើរូបនាង ក៏បានឃើញ ប៊ី សុធារី ចេញវីដេអូមួយនិយាយឆ្លើយតបទៅវិញ ដោយហាក់អស់សំណើចហួសចិត្តនឹងមតិនោះ ព្រោះនាងគិតថាទាក់ទងនឹងប្រជាប្រិយភាពរវាងនាង និង អ៊ិន លក្ខិណា សុទ្ធតែមានអ្នកគាំទ្រស្រឡាញ់ពេញចិត្តរៀងៗខ្លួន ដោយមិនចាំបាច់អ្នកណាទាញភាពល្បីល្បាញ់ពីអ្នកណាឡើយ។ លើសពីនេះ ប៊ី សុធារី ក៏បានបញ្ជាក់ថារវាងនាង និង អ៊ិន លក្ខិណា គឹរាប់អានគ្នាស្និទ្ធស្នាលយូរមកហើយ ដែលតែងបង្ហាញសកម្មភាពជាមួយគ្នាជាហូរហែ គ្រាន់តែមួយរយៈនេះយូរៗបានជួបគ្នាម្ដង៕
សូមចុចទីនេះដើម្បីទស្សនាវីដេអូ៖
