អ្នកគាំទ្រលោក វណ្ណដា ច្បាស់ជាបានជ្រាបហើយថា កាលពីពេលថ្មីៗកន្លងទៅនេះ តារាចម្រៀងរ៉េប ប្រចាំផលិតកម្មបារមីរូបនេះ បានឱ្យដឹងថា Album ចម្រៀងទី ៣ ដែលលោកបានធ្វើប្រមាណជា ៣ ឆ្នាំ បានរួចរាល់ និង ត្រៀមបញ្ចេញក្នុងពេលឆាប់ៗខាងមុខនេះ។
ស្របគ្នាក្នុងការរង់ចាំការមកដល់នូវ Album ចម្រៀងទី ៣ នេះដែរ លោក វណ្ណដា ក៏បានបញ្ចេញបទចម្រៀងទោល និង ច្រៀងរួមគ្នានឹងសិល្បកររួមទ្រនំជាបន្តបន្ទាប់ទៀតផង។
ដោយឡែក ប៉ុន្មានថ្ងៃមកនេះ អ្នកលេងបណ្តាញសង្គម Tik Tok កំពុងផ្ទុះការចែករំលែកនូវវីដេអូក្រៅឆាកមួយ ដែលបានបង្ហាញសកម្មភាពថតរបស់តារាចម្រៀងរ៉េប វណ្ណដា នៅឯប្រាសាទបាយ័ន នាខេត្តសៀមរាប។
ក្នុងនោះ បើទោះជាមិនទាន់ដឹងថាជាការថតចម្រៀង ឬអ្វីឱ្យពិតប្រាកដក្តី តែអ្នកគាំទ្រកំពុងតែមានមោទកភាព និង រំភើបចិត្តយ៉ាងខ្លាំង នៃការបង្ហាញពីកម្ពុជារបស់ វណ្ណដា ទៅកាន់ពិភពលោកជាថ្មីម្តងទៀត៕
សូមចុចទីនេះ ដើម្បីទស្សនាវីដេអូ៖
