ក្រោយពីបង្ហាញសកម្មភាពស្និទ្ធស្នាលធ្វើឱ្យមហាជនមានការសង្ស័យ កាលពីមួយរយៈមុន តារាសម្ដែងប្រុសស្រី ស៊ឹម ស្រីនិច្ច និង សុខ សាន់នី កាន់តែបង្ហាញពីទំនាក់ទំនងរបស់អ្នកទាំងពីរច្បាស់ៗលើបណ្ដាញសង្គមទាំងរូបភាព និង សារផ្អែមល្ហែមផ្សេងៗឱ្យដឹងថាពួកគេពិតជាបានសាងចំណងស្នេហ៍នឹងគ្នាពិតមែន។
លើសពីនេះ បន្ទាប់ពីធ្វើឱ្យអ្នកគាំទ្រប្រាកដចិត្តថាជាចំណងស្នេហ៍ លោក សុខ សាន់នី និង ស៊ឹម ស្រីនិច្ច កាន់តែបើកចំហរពេញមុខពេញមាត់ដែលឃើញបណ្ដើរគ្នាចូលរួមកម្មវិធីផ្សេងៗ និង បង្ហាញរូបភាពជាគូយ៉ាងផ្អែមល្ហែមបន្តបន្ទាប់។
ដោយឡែក ថ្មីៗនេះ អ្វីកាន់តែធ្វើឱ្យមហាជនចាប់អារម្មណ៍ និង រំភើបជំនួស ខណៈបានតារាប្រុសស្រីមួយគូនេះ បង្ហាញសកម្មភាពដឹកដៃគ្នាថតឈុតមួយជាគូនឹងគ្នា ដូចឈុតកូនក្រមុំកូនកំលោះកាន់បាច់ផ្កាយ៉ាងផ្អែមល្ហែម ដែលអាចជាតំរួយថាជិតមានដំណឹងល្អឆាប់ៗផងដែរ៕
សូមចុចទីនេះដើម្បីទស្សនាវីដេអូ៖
