ពិតណាស់ និយាយពី បវរកញ្ញា ហុក សារិតុលា ម្ចាស់ជ័យលាភីគ្រងមកុដដំបូងនៃកម្មវិធី Miss Wisdom Cambodia 2021 ក្រោយពីអាកខានឃើញវត្តមានបង្ហាញខ្លួនលើឆាកបវរកញ្ញាប៉ុន្មានឆ្នាំ ស្រាប់តែថ្មីៗកន្លងទៅ នាងបានធ្វើឱ្យមហាជនអ្នកគាំទ្រភ្ញាក់ផ្អើលយ៉ាងខ្លាំង ក្រោយពីលេចវត្តមានរបស់នាងវិលត្រឡប់មកកាន់វិស័យបវរកញ្ញាម្ដងទៀត ជាបេក្ខភាពក្នុងការប្រកួតក្នុងកម្មវិធី Miss Supranational Cambodia 2025។
ជាមួយដំណឹងវិលចូលប្រឡូកក្នុងឆាកប្រកួតបវរកញ្ញានេះវិញ កញ្ញា ហុក សារិតុលា បានធ្វើឱ្យអ្នកគាំទ្ររំភើបចិត្តបង្ហាញការគាំទ្រយ៉ាងពេញទំហឹង និង ជឿជាក់លើសមត្ថភាពដ៏លេចធ្លោរបស់នាង ដោយរំពឹងខ្ពស់លើនាងថានឹងអាចឈ្នះមកុដក្នុងកម្មវិធីប្រចាំឆ្នាំនេះផងដែរ។
ដោយឡែក ថ្មីៗនេះ អ្វីកាន់តែធ្វើមហាជនអ្នកគាំទ្រចាប់អារម្មណ៍ និង កាន់តែជឿជាក់លើសមត្ថភាពរបស់នាងទៀត ក្រោយពីបានឃើញសកម្មភាពរបស់នាងកំពុងធ្វើការហ្វឹកហាត់ការដើរ ដោយមានការជួយបង្ហាត់បង្រៀនដោយផ្ទាល់ពីបងស្រី គឺបវរកញ្ញាដ៏មានសក្កានុពល ពេជ្រ វត្តីសារ៉ាវឌ្ឍី ដែលអាចទុកជាបវរកញ្ញាពេញដោយបទពិសោធ និង មានសមត្ថភាពខ្ពស់់ក្នុងវិស័យបវរកញ្ញា។ ក្នុងនោះដែរ ឃើញថាកញ្ញា ហុក សារិតុលា កាន់តែមានភាពជឿជាក់ខ្លាំងក្នុងដំណើរឆ្ពោះទៅដណ្ដើមមកុដ Miss Supranational Cambodia 2025 ខាងមុខនេះ៕
សូមចុចទីនេះដើម្បីទស្សនាវីដេអូ៖
