ជាការពិតណាស់ បើនិយាយពីតារាចម្រៀងរ៉េបល្បីឈ្មោះក្នុងប្រទេសកម្ពុជានាពេលបច្ចុប្បន្ន អ្នកនិយមគាំទ្រវិស័យនេះច្បាស់ជានឹកដល់ ប្រុសឡា ដូចគ្នាដែរ ក៏ព្រោះតែលោក គឺជាតារាចម្រៀងរៀមច្បងមួយរូប ដែលមានទេពកោសល្យទទួលបានការគាំទ្រយ៉ាងខ្លាំង។
ម្យ៉ាងវិញទៀត មិនត្រឹមតែជាតារាចម្រៀងរ៉េបតែម្យ៉ានោះទេ ប្រុសឡា ក៏ជាម្ចាស់ផលិតកម្ម CG Moment ដែលបានត្រួសត្រាយផ្លូវដល់សិល្បករចម្រៀងរ៉េបជាច្រើនរូបផ្សេងទៀតផង។
ងាកមកកាន់ស្នាដៃរបស់ ប្រុសឡា ឯណោះវិញ អ្នកគាំទ្រសង្កេតឃើញថា មួយឆ្នាំ ចុងក្រោយនេះ លោកហាក់ស្ងប់ស្ងាត់ក្នុងការផលិតបទថ្មី ដែលជាហេតុធ្វើឱ្យអ្នកគាំទ្រទន្ទឹង់រង់ចាំស្នាដៃរបស់លោកយ៉ាងខ្លាំង។
យ៉ាងណាក៏ដោយ ក្រោយពីការរង់ចាំមួយរយៈធំ ប្រុសឡា ពិតជាមិនធ្វើឱ្យអ្នកគាំទ្រខកបំណងនោះឡើយ ដោយកាលពីថ្ងៃទី ២០ ខែវិច្ឆិកា ឆ្នាំ ២០២៤ កន្លងទៅនេះ លោកបានចេញចម្រៀងមួយបទមានចំណងជើងថា «បុត្រា» ដែលសរសេររៀបរាប់ឡើង ពីកូនប្រុសសំណព្វចិត្តរបស់លោក គឺអូន BOTRA KINGSTON។
លើសពីនោះ អ្វីដែលកាន់តែពិសេស ចម្រៀង ដែលមានអត្ថន័យរៀបរាប់ពីកូនប្រុសនេះដែរ ប្រុសឡា ធ្វើឡើងយ៉ាងពិសេសសម្រាប់កូនប្រុស និង ចេញផ្សាយក្នុងថ្ងៃកំណើតរបស់លោកផ្ទាល់៕
សូមទស្សនាវីដេអូខាងក្រោម៖
