បើគិតមកដល់ពេលនេះ ប្រជាជនកម្ពុជានៅបណ្តាក្រៅប្រទេសមួយចំនួន នៅតែបន្តប្រមូលផ្តុំគ្នាក្នុងការស្រែកទាមទាររកយុត្តិធម៌ និង សន្តិភាពសម្រាប់កម្ពុជានៅឡើយ។ លើសពីនោះដែរ មិនថាតែក្នុង និង ក្រៅប្រទេសនោះទេ បាន និង កំពុងបង្ហាញការដឹងគុណ ក៏ដូចជាគោរពវិញ្ញាណក្ខន្ធដល់វីរកងទ័ពពលីជីវិតការពារទឹកដីផងដែរ។
ងាកទៅកាន់តារាចម្រៀង នៅ ស៊ីនឿន ដែលកំពុងរស់នៅឯសហរដ្ឋអាមេរិក ក៏បានបង្ហាញវត្តមានក្នុងការរួបរួមជាមួយបងប្អូនប្រជាពលរដ្ឋខ្មែរ និង អន្តរជាតិនៅទីនោះដែរ ដោយប៉ុន្មានថ្ងៃមកនេះមានការលើកបដាធំៗស្វែងរកសន្តិភាពដល់កម្ពុជាតាមទីក្រុងមួយចំនួន រដ្ឋកាលីហ្វ័រញ៉ា។
មិនត្រឹមតែប៉ុណ្ណោះ នៅពីថ្ងៃទី ៣០ ខែកក្កដា ឆ្នាំ ២០២៥ នេះ បងប្អូនប្រជាពលរដ្ឋខ្មែរនៅទីនោះ ក៏បានទៅមុខ San Jose City Hall ដើម្បីបន្តការតវ៉ា និង បង្សុកូលឧទ្ទិសកុសលដល់វីរកងទ័ពពលីជីវិតការពារទឹកដី។ នេះបើតាមការបង្ហោះពីតារាចម្រៀងកញ្ញា រ័ត្ន រចនា៕
សូមចុចទីនេះ ដើម្បីទស្សនាវីដេអូ៖
