ធ្មេចបើកៗ រយៈពេលជិត ៣ ខែ មកហើយ ដែលតារាចម្រៀងមានប្រជាប្រិយភាព លោក RuthKo បានលាចាកលោកក្នុងគ្រោះថ្នាក់ចរាចរណ៍លាក្រុមគ្រួសារ មិត្តភក្តិ និង អ្នកគាំទ្រយ៉ាងអាឡោះអាល័យ កាលពីយប់រំលងអធ្រាត្រថ្ងៃទី ០៦ ខែមករា ឆ្នាំ ២០២៥ កន្លងទៅ។
បើទោះជាពេលវេលាប្រមាណជិត ៣ ខែ ក្តី តែក្រុមគ្រួសារ មិត្តភក្តិ និង អ្នកគាំទ្រនៅតែមិនទាន់អស់ចិត្តនៃការចាកចេញរបស់ លោក RuthKo ដែលជាកូនល្អ មិត្តល្អ និង ធនធានមនុស្សដ៏សំខាន់ក្នុងវិស័យសិល្បៈមួយរូបនេះបានឡើយ។
យ៉ាងណាមិញ នៅថ្ងៃទី ២៨ និង ទី ២៩ ខែមីនា ឆ្នាំ ២០២៥ នេះ ពិធីបុណ្យ ១០០ ថ្ងៃ លោក RuthKo ក៏បានមកដល់តាមពេលាកំណត់របស់ពិធីបុណ្យបែបព្រះពុទ្ធសាសនាហើយ ដោយការរៀបចំពិធីបុណ្យ ១០០ ថ្ងៃ អ្នកម្តាយ លោក RuthKo បានរៀបចំយ៉ាងស្ងបស្ងាត់នៅ វត្តកោះអណ្តែត ឃុំតាតៃក្រោម ស្រុកកោះកុង ខេត្តកោះកុង ជាទីអារាម លោក RuthKo ធ្លាប់បួសកាលនៅមានជីវិត។
ក្នុងនោះដែរ ពិធីបុណ្យបានរៀបចំលក្ខណៈគ្រួសារ ដោយមានការចូលរួមដោយមិត្តភក្តិស្និទ្ធស្នាល ដូចជាលោក វុទ្ធា និង សិល្បករផលិតកម្ម Klabyahandz ជាច្រើនទៀត៕
សូមចុចទីនេះ ដើម្បីទស្សនាវីដេអូ៖
