កាលពីថ្ងៃទី ៩ ខែកុម្ភៈ ឆ្នាំ ២០២៥ កន្លងទៅ នៅក្នុងប្រទេសថៃបានផ្ទុះកក្រើកករណីថ្មីមួយ ដែលមានភេទទីបីម្នាក់បានជះទឹកស៊ុបក្តៅទៅលើបុរសម្នាក់ទៀត បណ្តាលឱ្យរលាករបួសពេញខ្លួនយ៉ាងដំណំ។
តាមព័ត៌មានបានឱ្យដឹងថា ហេតុការណ៍មួយនេះបានកើតឡើងក្នុងហាងគុយទាវមួយកន្លែងនៅម្តុំ Rangsit ខេត្ត Pathum Thani ប្រទេសថៃ។ ដំបូងឡើយជនរងគ្រោះដែលមានឈ្មោះ Andrew បានចូលមកញ៉ាំគុយទាវនៅក្នុងហាងជាមួយនឹងមិត្តភក្តិម្នាក់ទៀត ស្រាប់តែជនបង្កដែលជាភេទទីបីឈ្មោះ Pim បាននាំបក្សពួកប្រមាណជា ១០ នាក់ ចូលមករករឿងដល់ក្នុងហាង។
ក្នុងនោះជនបង្កបានប្រមាថមាក់ងាយជនរងគ្រោះជាពាក្យពេជន៍ផ្សេងៗ ហើយក៏បានយកទឹកស៊ុបជះទៅលើជនរងគ្រោះចំនួន ៣ ដង រួចក៏បាននាំបក្សពួកគេចខ្លួនទៅបាត់ រីឯជនរងគ្រោះក៏ត្រូវបានគេនាំទៅមន្ទីរពេទ្យ។ យ៉ាងណាមិញ មូលហេតុនៃរឿងនេះនៅមិនទាន់បានបញ្ជាក់នៅឡើយទេ ប៉ុន្តែមហាជន ជាពិសេសគឺក្រុម LGBTQ+ កំពុងតែខឹងសម្បាខ្លាំងណាស់ទៅកាន់ជនបង្ក និង បានទាមទារឱ្យមានយុត្តិធម៌ដល់ជនរងគ្រោះយ៉ាងដាច់ខាត៕
សូមចុចទីនេះដើម្បីទស្សនាវីដេអូ៖
ប្រភព៖ AMARINTV
