និយាយពីជីវិតគ្រួសារអតីតតារាសម្ដែង ជុំ ស៊ីថា និង ភរិយា បច្ចុប្បន្នទទួលបានចំណងដៃកូនប្រុសស្រីចំនួន ៦ នាក់ហើយ ដោយក្នុងនោះ ៣ នាក់ ជាកូនភ្លោះ និង កូនស្រីម្នាក់ទៀតទើបសម្រាលឃើញពន្លឺព្រះអាទិត្យកាលពីថ្មីៗកន្លងទៅ។
កន្លងមកនេះ លោក ជុំ ស៊ីថា ត្រូវបានមហាជនអ្នកគាំទ្រ និង មិត្តភក្តិក្នុង និង ក្រៅរង្វង់សិល្បៈ លើកឡើងថាលោកគឺជាស្វាមី និង ជាឪពុកដ៏ល្អសម្រាប់ក្រុមគ្រួសារ ក៏ព្រោះតែលោកមើលថែភរិយា និង កូនៗបានយ៉ាងល្អ។
ស្របពេលទទួលបានជីវិតគ្រួសារដ៏មានសុភមង្គលយ៉ាងពេញទំហឹង និង មានកូនប្រុសស្រីគួរឱ្យស្រឡាញ់រហូតដល់ទៅ ៦ នាក់ហើយ ក្រឡេកទៅមើលភរិយាបណ្ដូលចិត្តរបស់អតីតតារាប្រុសរូបនេះ ក៏កាន់តែស្រស់ស្អាតគួរឱ្យស្រឡាញ់ ដែលអ្នកនាងពិតជាពូកែថែសម្រស់ និង ទទួលបានការថ្នាក់ថ្នមពីស្វាមី ទោះជាមានកូនច្រើននាក់មែន ប៉ុន្តែរូបសម្រស់របស់អ្នកនាងនៅតែក្មេងស្រស់ស្អាតមិនចាញ់នៅក្រមុំឡើយ។
ជាក់ស្ដែង ថ្មីៗនេះ អ្វីកាន់តែចាប់អារម្មណ៍ចំពោះភរិយាសំណព្វចិត្តរបស់លោក ជុំ ស៊ីថា នោះ ខណៈបានឃើញអ្នកនាងបង្ហោះវីដេអូគ្រងឈុតប្រពៃណីខ្មែរមួយយ៉ាងល្អល្អះ ដែលកំពុងទទួលបានការសរសើរខ្លាំងពីមហាជនអ្នកគាំទ្រជាមួយរូបសម្រស់របស់អ្នកនាង នៅតែស្អាតខ្ញង់ក្មេងខ្លាំង ទាំងរូបរាង មុខមាត់ ដងខ្លួនស្រឡូន មើលសឹងមិនដឹងថាមានកូន ៦ នាក់ទៅហើយទេ៕
សូមចុចទីនេះដើម្បីទស្សនាវីដេអូ៖
