(វីដេអូ) នឹកឃើញឡើងវិញ! ជូរី ល្អហួស នៅតែមានមោទកភាពខ្លាំង ព្រោះធ្លាប់បំបាក់បវរកញ្ញាថៃឱ្យចាញ់ក្រោមសមត្ថភាពនាង នៅលើទឹកដីថៃផ្ទាល់

គិតមកដល់ពេលនេះ រយៈពេលជាង ១ ឆ្នាំហើយ ដែលបរវកញ្ញាវ័យក្មេង ជូលី ល្អហួស ម្ចាស់តំណែង Miss Preteen Cambodia 2023 បានប្រកួតឈ្នះមកុដកម្មវិធីអន្តរជាតិ Miss Preteen Junior Idol World 2024 នៅឯប្រទេសថៃ កាលពីអំឡុងខែមីនា ឆ្នាំ ២០២៤ កន្លងទៅ។

ក្រោយក្លាយជាម្ចាស់មកុដអន្តរជាតិ Miss Preteen Junior Idol World 2024 ជាង ១ ឆ្នាំមកនេះ ជូលី ល្អហួស បានបំពេញតួនាទីយ៉ាងសកម្ម និង សាងស្នាដៃជួយលើកមុខមាត់ប្រទេសកម្ពុជាជាច្រើន ដែលនាងបានក្លាយជាបវរកញ្ញាវ័យក្មេងដ៏មានសក្កានុពលទាំងក្នុង និង ក្រៅប្រទេស។

យ៉ាងណាមិញ ចំពោះតំណែងជាម្ចាស់មកុដអន្តរជាតិ Miss Preteen Junior Idol World 2024 មួយរយៈក្រោយនេះ ជូលី ល្អហួស បានផ្ដាច់ចោលទាំងស្រុងរាល់សកម្មភាពការងារផ្សេងៗពាក់ព័ន្ធនឹងប្រទេសថៃ បន្ទាប់ពីកម្ពុជាបានរងការឈ្លានពានពីប្រទេសថៃម្ដងហើយម្ដងទៀត។ លើសពីនេះ ខណៈឈានដល់វេលាត្រូវផ្ទេរមកុដអន្តរជាតិ Miss Preteen Junior Idol World 2024 កាលពីថ្មីៗកន្លងទៅ ជូលី ល្អហួស ក្នុងនាមជាកូនខ្មែរស្មារតីស្នេហាជាតិ ក៏បានប្រកាសមិនទៅចូលរួមកម្មវិធីផ្ទេរមកុដលើទឹកដីថៃជាដាច់ខាតដែរ។

ដោយឡែក មកដល់ថ្មីៗនេះ អ្វីកាន់តែចាប់អារម្មណ៍ចំពោះបវរកញ្ញាវ័យក្មេង ជូលី ល្អហួស ខណៈបានឃើញនាងបង្ហោះរំឭកដល់ការប្រកួតដណ្ដើមមកុដអន្តរជាតិរបស់នាងនៅលើទឹកដីប្រទេសថៃ ដោយនាងមានមោទកភាពចំពោះខ្លួនឯងខ្លាំងដែលអាចដណ្ដើមបានមកុដអន្តរជាតិ Miss Preteen Junior Idol World 2024 លើទឹកដីថៃ ឈ្នះបវរកញ្ញាថៃបានត្រឹមតែកាន់ដៃ តែចាញ់ក្រោមសមត្ថភាពរបស់នាង។

សារនោះ ជូលី ល្អហួស បានបង្ហោះរៀបរាប់ថា ៖ «ពេលនាងខ្ញុំទៅប្រកួតដណ្តើមមកុដនៅប្រទេសសៀម នាងខ្ញុំអាចនិយាយភាសាសៀមបាន ពេលដែលនាងខ្ញុំប្រកួតនៅទីនោះ ប៉ុន្តែនាងខ្ញុំមិននិយាយជាដាច់ខាត ដោយសារតែភាសាសៀមវាគ្មានតម្លៃដែលឱ្យនាងខ្ញុំត្រូវនិយាយ ដោយសារតែនាងខ្ញុំស្គាល់ច្បាស់ពីសន្តានសៀម នាងខ្ញុំមានមោទកភាពខ្លាំងណាស់ដែលឈ្នះមកុដលើទឹកដីសៀម ជាពិសេសកាន់ដៃជាមួយសៀម យកឈ្នះសៀម យកជោគជ័យជូនជាតិមាតុភូមិខ្ញុំ»៕

សូមចុចទីនេះដើម្បីទស្សនាវីដេអូ៖