ចំពោះតារាប្រុសរូបសង្ហាលោក សេង មង្គល មួយរយៈក្រោយ ដ្បិតតែលោកមិនសូវបង្ហាញសកម្មភាពលើសិល្បៈច្រើន ប៉ុន្តែតារាប្រុសរូបនេះតែងស្ដែងពីសកម្មភាពឯកជនផ្សេងៗជាមួយក្រុមគ្រួសារ និង បង្ហាញភាពកតញូកក្នុងនាមជាកូនប្រុសមួយរូប។
ជាក់ស្ដែង កាលពីដើមឆ្នាំ ២០២៥ កន្លងទៅ លោក សេង មង្គល ក៏បានបង្ហាញភាពកតញ្ញូក្នុងនាមជាកូនប្រុស សម្រេចក្ដីស្រមៃមួយធ្វើដើម្បីអ្នកមានគុណ គឺបានរៀបចំសាងសងផ្ទះយ៉ាងធំប្រណីតមួយសម្រាប់ជូនលោកប៉ាអ្នកម៉ាក់រស់នៅជុំគ្នាក្នុងជីវិតសាមញ្ញមួយ។
មកដល់ថ្មីៗនេះ ផ្ទះថ្មីដែលលោក សេង មង្គល សាងសង់ជូនអ្នកមានគុណទាំងពីរ បានរៀបចំរួចរាល់យ៉ាងស្អាតប្រណីតហើយ ដោយគេបានឃើញលោកបង្ហាញវីដេអូប្រគល់សោផ្ទះជូនលោកប៉ាអ្នកម៉ាក់ក្នុងពិធីឡើងផ្ទះថ្មីនេះ ដែលធ្វើឱ្យអ្នកមានគុណទាំងពីរ ស្រក់ទឹកភ្នែកដោយក្ដីរំភើបស្ញប់ស្ញែងចំពោះភាពកតញូរបស់កូនប្រុសបណ្ដូលចិត្តរូបនេះ៕
សូមចុចទីនេះដើម្បីទស្សនាវីដេអូ៖
