រយៈពេលជាង ៤ ឆ្នាំហើយ ដែលពិធីការិនីល្បីឈ្មោះ ប៉ែន ស្រីពេជ្រ បានចាប់ដៃសាងគ្រួសារជាមួយស្វាមីយ៉ាងមានសុភមង្គល និង កាន់តែមានក្ដីសុខពេញលេញ ខណៈទទួលបានកូនស្រីដ៏គួរឱ្យស្រឡាញ់ម្នាក់ជាចំណងដៃនៃអាពាហ៍ពិពាហ៍ ដែលពេលនេះមានអាយុជិត ៣ ឆ្នាំហើយ។
បើនិយាយរឭកទាក់ទងនឹងទាយាទស្នងត្រកូល ក្រោយពីទទួលបានកូនស្រីអាយុជិត ៣ ឆ្នាំ កាលអំឡុងដើមឆ្នាំ ២០២៤ កន្លងទៅ ពិធីការិនី ប៉ែន ស្រីពេជ្រ ក៏បានសម្រេចយកកូនទី ២ ម្នាក់ទៀត ប៉ុន្តែគួរឱ្យសោកស្ដាយអ្នកនាងក៏បានបាត់បង់ទៅវិញ ព្រោះតែសុខភាពកូនក្នុងផ្ទៃមិនលូតលាស់។
ដោយឡែក មកដល់ថ្មីៗនេះ អ្វីដែលធ្វើឱ្យមហាជនអ្នកគាំទ្របង្ហាញការអបអរ ក្រោយពីបានឃើញពិធីការិនីរូបនេះ បានបង្ហោះវីដេអូមួយរាំលេងបង្ហាញផ្ទៃពោះខ្ទាតធំ ដែលគេបានដឹងថាអ្នកនាងកំពុងពពោះទាយាទទី ២ ម្នាក់ទៀតហើយ។ តែយ៉ាងណា អ្នកនាង ប៉ែន ស្រីពេជ្រ ក៏ពុំទាន់បានបញ្ជាក់ប្រាប់ពីដំណឹងល្អនេះថាកូនក្នុងផ្ទៃមានអាយុប៉ុន្មានខែ និង ភេទអ្វីនៅឡើយទេ៕
សូមចុចទីនេះដើម្បីទស្សនាវីដេអូ៖
