និយាយពីតារាស្រីកូនកាត់ខ្មែរ-ប៊ុលហ្គារី កញ្ញា Bobby stella ដែលជាតារាស្រីវ័យក្មេងដ៏មានប្រជាប្រិយភាពមួយក្នុងវិស័យសិល្បៈ និង កំពុងឆក់បានទីផ្សារខ្លាំងជាមួយសមត្ថភាព ទេពកោសល្យរបស់នាងទាំងវិស័យសម្ដែង ថតស្ប៉តពាណិជ្ជកម្ម MV បទចម្រៀង និង មាតិកាបណ្ដាញសង្គមផ្សេងៗ។
លើសពីនេះ តារាស្រី Bobby Stella មិនត្រឹមតែមានទេពកោសល្យលើសិល្បៈនោះទេ នាងថែមទាំងមានរូបសម្រស់ស្រស់ស្អាត រូបរាងតូចច្រឡឹង មុខមាត់កាត់បរទេស ស្នាមញញឹមមានមន្តស្នេហ៍ និង មានភាពក្រមិចក្រមើមគួរឱ្យស្រឡាញ់ខ្លាំង ដែលតែងឆក់បានបេះដូងមហាជនអ្នកគាំទ្រជាច្រើន។
ជាក់ស្ដែង មួយរយៈក្រោយនេះ តារាស្រីកូនកាត់ Stella កាន់តែឆក់បានការចាប់អារម្មណ៍ពីមហាជន ខណៈតែងឃើញនាងបង្ហោះរូបភាព ក៏ដូចជាវីដេអូសកម្មភាពថ្មីៗប្លែកៗយ៉ាងគួរឱ្យស្រឡាញ់ក្រមិចក្រមើម មានទាំងបែបលេងសើចម្ញ៉ិកម្ញ៉ក់ និង លេងស្ទីលជានារីទាន់សម័យយ៉ាងទាក់ទាញ ដែលធ្វើឱ្យមហាជនចែករំលែក និង បញ្ចេញមតិព្រោងព្រាត។
ក្នុងនោះ បើក្រឡេកមើលការបញ្ចេញមតិរបស់អ្នកគាំទ្រ រាល់រូបភាព និង វីដេអូរបស់ Stella ភាគច្រើនសរសើរពីភាពគួរឱ្យស្រឡាញ់របស់នាង ជាពិសេសមានអ្នកគាំទ្របុរសៗជាច្រើនខមមិនបែបលេងសើច ដោយតាំងខ្លួនជាសង្សាររបស់ Stella ទៀតផង៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
