មហាជន ជាពិសេសអ្នកលេងបណ្តាញសង្គមហ្វេសប៊ុក ច្បាស់ជាបានជ្រាបមកហើយពីរឿងរ៉ាវឯកជនរបស់កំពូលតារាចម្រៀងស្រី មាស សុខសោភា និង តាសក់សភ្នំត្បែង ដោយកន្លងមក តាសក់សភ្នំត្បែង បានប្រកាសជាផ្លូវការហើយថា អ្នកទាំងពីរជាប្តីប្រពន្ធនឹងគ្នា។
ម្យ៉ាងវិញទៀតនោះ ថ្មីៗនេះ អ្នកនាង មាស សុខសោភា កាន់តែបង្ហាញពីទំនាក់ទំនងរបស់អ្នកនាង និង តាសក់សភ្នំត្បែង យ៉ាងច្បាស់ៗ ដោយអ្នកនាង បានហៅ តាសក់សភ្នំត្បែង ថាជាស្វាមីនៅលើហ្វេសប៊ុកទៀតផង។
យ៉ាងណាមិញ ជុំវិញទំនាក់ទំនងរវាងអ្នកនាង មាស សុខសោភា និង តាសក់សភ្នំត្បែង ដែលត្រូវបានបើកចំហនៅលើបណ្តាញសង្គមហ្វេសប៊ុក បានបន្តឱ្យអ្នកគាំទ្រមានការវែកញែកកាន់តែច្រើន រហូតធ្វើឱ្យអ្នកនាង មាស សុខសោភា ចេញមុខបកស្រាយជាថ្មី។ ជាពិសេសនោះ គឺចំណុច ដែលត្រូវបានលើកឡើងថា អ្នកនាង មាស សុខសោភា យកប្តីគេ និង យកឥសីជាប្តី។
ក្នុងនោះដែរ អ្នកនាង មាស សុខសោភា បានបញ្ជាក់ថា អ្នកនាង មិនបានយកប្តីគេទេ ហើយបើនិយាយពី លោកតាសក់សភ្នំត្បែង ដែលជាប្តីអ្នកនាងវិញ គឺបានសឹកចុះពីភ្នំត្បែងមកចូល ២ ឆ្នាំមកហើយ ធ្វើជាមនុស្សសាមញ្ញ គ្រាន់តែអត់បានមានវិន័យក្នុងព្រហ្មញ្ញសាសនា តែនៅមានការបដិបត្តិធម៌ ដោយយកការសមាធិជាគោល៕
សូមចុចទីនេះ ដើម្បីទស្សនាវីដេអូ៖
