មកដល់ពេលនេះ ជាង ១ សប្ដាហ៍ហើយដែលបវរកញ្ញាកម្ពុជា ផន ស្រីពី បានទៅកាន់ប្រទេសវៀតណាម ដើម្បីតំណាងកម្ពុជាចូលរួមប្រកួតក្នុងកម្មវិធីអន្តរជាតិ Miss Cosmo 2025 ដោយពេលនេះ នាងកំពុងស្ថិតក្នុងដំណើការប្រកួតយ៉ាងសកម្មពីមួយថ្ងៃទៅមួយថ្ងៃ។
យ៉ាងណាមិញ មុនចូលកងប្រកួតកាលពីប៉ុន្មានថ្ងៃកន្លងទៅ ផន ស្រីពី ធ្វើឱ្យមហាជនចាប់អារម្មណ៍សរសើរម្ដងហើយទាក់ទងសកម្មភាពសប្បុរសធម៌របស់នាងលើទឹកដីវៀតណាម ខណៈនាងខំស្រូតចេញដំណើរទៅមុនថ្ងៃប្រកួត ដើម្បីចូលរួមចំណែកជួយរៀបចំអំណោយ និង ស្បៀងអាហារជូនប្រជាជនវៀតណាមជាច្រើននាក់ដែលរងគ្រោះដោយសារទឹកជំនន់។
ដោយឡែក មកដល់ថ្មីៗនេះ ស្របពេលបវរកញ្ញាកម្ពុជា ផន ស្រីពី កំពុងបង្ហាញសកម្មភាពក្នុងកងប្រកួតពីមួយវគ្គទៅមួយវគ្គ នាងក៏ទទួលបានក្ដីស្រឡាញ់យ៉ាងកក់ក្ដៅ ពីប្រជាជនវៀតណាមដែលនាងធ្លាប់ចុះជួយពេលរងគ្រោះនោះ ដែលពួកគេបានធ្វើវីដេអូនិយាយអរគុណ និង ជូនពរយ៉ាងមានន័យដល់ ផន ស្រីពី ក្នុងដំណើរការប្រកួតលើឆាកអន្តរជាតិនេះ៕
សូមចុចទីនេះដើម្បីទស្សនាវីដេអូ៖
