ចំពោះតារាស្រីហាយសូរ ដា ដាវ បច្ចុប្បន្នកាន់តែមានសន្ទុះប្រជាប្រិយភាព ក្តោបបានទីផ្សារខ្លាំងទាំងអាជីពជាតារាបង្ហាញម៉ូដ និង ក្លាយជាទូតសុឆន្ទៈតំណាងឱ្យផលិតផលក្រុមហ៊ុនជាច្រើន ក៏ព្រោះតែទេពកោសល្យ ចំណេះដឹង ជាពិសេស គឺ សម្រស់ និង ការតុបតែងខ្លួនយ៉ាងស៊ីវីល័យរបស់នាង។
ដោយឡែក ក្រៅពីបង្ហាញរូបភាពក្នុងស្ទីលថ្មីៗធ្វើខ្លួនខ្ញង់ៗ ថ្មីៗកន្លងទៅនេះ ដា ដាវ ក៏បានធ្វើឱ្យមហាជនកាន់តែចាប់អារម្មណ៍ ខណៈនាងបង្ហាញពីសកម្មភាពទៅកាន់ប្រទេសកូរ៉េ ដើម្បីកែកុនសម្រស់បន្ថែមលើទម្រង់ច្រមុះ ដែលជាការវះកាត់កែច្រមុះលើកទី ៣។
មកដល់ពេលនេះ ក្រោយវះកាត់លើកខ្ទង់ច្រមុះថ្មីលើកទី ៣ នៅកូរ៉េ ជិតកន្លះខែ ស្រីស្អាត ដាដាវ ក៏បានបង្ហាញមុខមាត់ថ្មី ក្រោយដោះបង់រុំ និង តុបតែងខ្លួនថតរូប មើលទៅខ្ទង់ច្រមុះខ្ពស់ជាងមុនសមនឹងទម្រងមុខ ដែលលើកសម្រស់របស់នាងកាន់តែទាក់ទាញស្អាតប្លែកមួយកម្រិតទៀត៕
