មកដល់ពេលនេះ រយៈពេលជាង ១ ឆ្នាំហើយ ដែលបវរកញ្ញា រ៉េត សារីតា ត្រូវបានគូស្នេហ៍ជនជាតិបរទេស Surprise សុំរៀបការយ៉ាងរ៉ូមែនទិចនៅក្រៅប្រទេស ដែលធ្វើឱ្យមហាជនអ្នកគាំទ្រអបអររំភើប និង រំពឹងចង់ឃើញអ្នកទាំងពីរចូលរោងការឆាប់ៗ។
ស្របពេលត្រូវបានគូស្នេហ៍សុំរៀបការនោះដែរ កញ្ញា រ៉េត សារីតា ក៏ធ្លាប់បានទម្លាយប្រាប់ឱ្យដឹងថា កញ្ញា និង គូស្នេហ៍ជនជាតិអាមេរិកកាត់អាហ្សង់ទីនរូបនេះ គឺបានចុះអ៊ីតាស៊ីវិលនឹងគ្នាមានឈ្មោះជាប្ដីប្រពន្ធរួចហើយ គ្រាន់តែនៅចាំវេលាល្អចូលរោងការតាមប្រពៃណីខ្មែរក្នុងឆ្នាំ ២០២៥ នេះ។
លើសពីនេះ មួយរយៈមុន រ៉េត សារីតា និង គូស្នេហ៍ គឺលោក Tomas Gimenez បានធ្វើឱ្យអ្នកគាំទ្រអបអរម្ដងហើយ ខណៈអ្នកទាំងពីរបានដឹកដៃគ្នាថតឈុតប្រពៃណីកូនកំលោះកូនក្រមុំយ៉ាងស្រស់ស្អាត គ្រាន់តែមិនទាន់កំណត់ពេលវេលាល្អ។
ដោយឡែក មកដល់ថ្មីៗនេះ គេបានឃើញគូស្នេហ៍មួយគូនេះ បានដឹកដៃគ្នាគ្រងឈុតប្រពៃណីយ៉ាងប្រណីតជាថ្មីថត Pre-Wedding នៅឯទឹកដីអង្គរយ៉ាងស្រស់ស្អាតស្រស់សង្ហាទាំងគូ ដែលអ្នកទាំងពីរអាចនឹងកំពុងត្រៀមប្រកាសថ្ងៃល្អឆាប់ៗផងដែរ៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
