ជាការពិតណាស់ កន្លងមកមហាជនច្បាស់ជាបានជ្រាបមកហើយ នូវទំនាក់ទំនងរវាងពិធីការិនី សុភ័ក្ត្រ កុសុម៉ា និង ពិធីករ តាប៊ុយ ដែលជាដៃគូការងារដ៏ល្អ និង ធ្វើឱ្យកម្មវិធីកម្សាន្តជាច្រើនផ្ទុះការគាំទ្រខ្លាំង ជាពិសេសនោះ គឺកម្មវិធី «ពេញចិត្តឬអត់?»។
យ៉ាងណាមិញ ក្រោយរួមការងារក្នុងកម្មវិធីខាងលើបានមួយរយៈធំ អ្នកនាង សុភ័ក្ត្រ កុសុម៉ា ក៏បានឈប់ធ្វើជាពិធិការិនីក្នុងកម្មវិធី «ពេញចិត្តឬអត់?» និង បន្តដំណើរលើវិថីសិល្បៈយ៉ាងជោគជ័យមកដល់សព្វថ្ងៃ។
យ៉ាងណាមិញ ថ្មីៗនេះ ក្នុងកម្មវិធី «អនាគត ផតខាស» អ្នកនាង សុភ័ក្ត្រ កុសុម៉ា បាននិយាយទាំងអួលដើម-ក ពាក់ព័ន្ធនឹងលោក តាប៊ុយ ដែលកន្លងមកធ្លាប់មានរឿងល្អក់កករនឹងគ្នា ប៉ុន្តែលោក តាប៊ុយ គឺជាបុគ្គលដំបូងបំផុត ដែលធ្វើឱ្យនាងក្លាយទៅជាពិធីការិនីមានគេស្គាល់ រហូតទទួលបានភាពល្បីល្បាញមកដល់ពេលបច្ចុប្បន្ន។
អ្នកនាង សុភ័ក្ត្រ កុសុម៉ា បានរៀបរាប់ទាំងលើកដៃអរគុណថា៖ «… សូមអរគុណ ដល់បង តាប៊ុយ ដែលតែងតែផ្តល់ឱកាស! និយាយទៅ ឱកាសលើកទី ១ នេះ គឺជាឱកាសផ្លាស់ប្តូរជីវិតខ្ញុំ បើទោះខ្ញុំ ជាមួយបងពេលខ្លះអាចមានរឿងមិនល្អជាមួយគ្នា ប៉ុន្តែសម្រាប់ក្នុងចិត្តខ្ញុំ នៅតែគោរពស្រឡាញ់បង។ អរគុណបង សម្រាប់ការផ្តល់ឱកាសមួយនេះ ផ្លាស់ប្តូរជីវិតខ្ញុំ និង គ្រួសារខ្ញុំច្រើន»៕
សូមចុចទីនេះ ដើម្បីទស្សនាវីដេអូ៖
