បន្ទាប់ពីបានរៀបចំកម្មពិធីមង្គលតាមប្រពៃណីដ៏ធំអធិកអធមចប់ដោយរលូន និង ពេញដោយក្ដីសុខ ពេលនេះដែរ អ្នកនាង ទេព បូព្រឹក្ស និង លោក ជី ដេវីត ក៏កំពុងបង្ហោះចែករំលែករូបភាព ក៏ដូចជាវីដេអូនៃទិដ្ឋភាពដ៏រំភើបក្នុងថ្ងៃមង្គលរបស់ខ្លួន ព្រមទាំងថ្លែងអំណរគុណដល់បងប្អូន សាច់ញាតិ រៀមច្បង មិត្តអ្នកសិល្បៈល្បីៗជាច្រើន សម្រាប់ការអញ្ជើញចូលរួមអបអរជូនពរក្នុងថ្ងៃពិសេសរបស់អ្នកទាំងពីរ។
ក្នុងនោះដែរ តាមរយៈការបង្ហោះវីដេអូផ្សេងៗលើហ្វេសប៊ុកផេករបស់អ្នកនាង ទេព បូព្រឹក្ស ពីទិដ្ឋភាពក្នុងថ្ងៃមង្គលកន្លងទៅនេះ អ្វីដែលកំពុងធ្វើឱ្យមហាជនរំភើបចិត្តជំនួស ខណៈបានឃើញអ្នកនាងបង្ហោះពីសកម្មភាពខ្លីៗជាមួយនឹងរៀមច្បង ឱក សុគន្ធកញ្ញា ក្នុងន័យអរគុណ និង ស្ងើចសរសើរពីទឹកចិត្តរបស់បងស្រី ដែលបានចូលរួមអបអរជូនពរយ៉ាងកក់ក្ដៅបំផុតចំពោះអ្នកនាងក្នុងមង្គលនេះ។
លើសពីនេះ អ្វីដែលធ្វើឱ្យអ្នកគាំទ្រកាន់តែចាប់អារម្មណ៍ទៀត ខណៈអ្នកនាង ទេព បូព្រឹក្ស បានភ្ជាប់ជាមួយសារមួយទម្លាយនូវរឿងរ៉ាវធ្លាប់គិតខុសយល់ច្រឡំលើរៀមច្បង ឱក សុគន្ធកញ្ញា កន្លងមក ប៉ុន្តែបែរជាបងស្រីរូបនេះមិនដែលប្រកាន់ចំពោះរូបនាងឡើយ។ សារនោះ អ្នកនាង ទេព បូព្រឹក្ស បានរៀបរាប់ថា ៖ «ធ្លាប់យល់ច្រឡំគិតខុស ធ្វើខុសលើបងស្រី តែបងស្រីមិនដែលប្រកាន់ប្អូននោះឡើយ that why we call you queen»៕
សូមចុចទីនេះដើម្បីទស្សនាវីដេអូ៖
