ពិតណាស់ មួយរយៈក្រោយនេះ តារាស្រីវ័យក្មេងពហុជំនាញ សាន្ត កុសុមៈ កាន់តែមានឥទ្ធិពលខ្លាំងអាចវាយលុកលើទីផ្សារសិល្បៈនៅក្រៅប្រទេស ដែលតែងឃើញទទួលបានការអញ្ជើញចូលរួមកម្មវិធីរបស់ប្រ៊េនល្បីៗ និង កម្មវិធីដើរបង្ហាញម៉ូដផ្សេងៗ។
ជាក់ស្ដែង ថ្មីៗកន្លងទៅ អ្វីដែលកំពុងធ្វើឱ្យអ្នកគាំទ្រចាប់អារម្មណ៍ចែករំលែក និង សរសើរខ្លាំងចំពោះ សាន្ត កុសុមៈ ទៀត ដោយស្ងាត់ៗបានឃើញវត្តមានរបស់តារាស្រីរូបនេះ ចូលរួមកម្មវិធីមួយលើទឹកដីប្រទេសចិន Legend of Ocean របស់ទូរទស្សន៍ Sansha TV ដែលនាងមានកិត្តិយសឡើងច្រៀងដោយផ្ទាល់ជាមួយនឹងឈុតសម្លៀកបំពាក់ប្រពៃណីខ្មែរដ៏ស្រស់ស្អាត។
ក្នុងនោះ សាន្ត កុសុមៈ បានឡើងបកស្រាយចម្រៀងក្នុងសម្លៀកបំពាក់ប្រពៃណីខ្មែរ ដែលច្រៀងជាភាសាខ្មែរ និង ជាភាសាចិនយ៉ាងពីរោះជាមួយតារាចម្រៀងប្រចាំប្រទេសចិនទៀតផង។
ដោយឡែក ក្រោយត្រឡប់ពីប្រទេសចិនវិញប៉ុន្មានថ្ងៃ ថ្មីៗនេះ សាន្ត កុសុមៈ កំពុងធ្វើឱ្យអ្នកគាំទ្រកាន់តែចាប់អារម្មណ៍ទៀត ខណៈបានឃើញសកម្មភាពរបស់នាងហាត់សមនិយាយភាសាឥណ្ឌូនេស៊ី ព្រមទាំងសកម្មភាពថតសម្ដែងនិយាយក្នុងភាសានេះ ត្រូវបានក្រុមអ្នកគាំទ្រដឹងថានាងកំពុងបង្ហាញស្នាដៃថ្មីក្នុងភាពយន្តមួយរបស់ឥណ្ឌូនេស៊ីផងដែរ៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
