មកដល់ពេលនេះ រឿង «ខ្មោចដើមចេកជ្វា» ថ្មី ដែលមហាជនកំពុងទន្ទឹងរងចាំមើលម្ដងទៀតក្នុងឆ្នាំ ២០២៥ ពេលនេះ ខាងផលិតកម្ម Tiny Film Production បាន និង កំពុងដំណើរថតជាផ្លូវការហើយ ក្រោយពីបានឃើញវីដេអូខ្លីៗនៃសកម្មភាពថតនៅទីតាំងផ្សេងៗនៃសាច់រឿងនេះ លើបណ្ដាញសង្គមបន្តបន្ទាប់។
យ៉ាងណាមិញ ដ្បិតតែផលិតកម្មមិនទាន់បើកបង្ហាញមុខតួអង្គនីមួយៗសម្ដែងក្នុងសាច់រឿងថ្មី «ខ្មោចដើមចេកជ្វា ២០២៥» នេះមែន ប៉ុន្តែតាមរយៈការចែករំលែករូបភាព ក៏ដូចជាវីដេអូនៃសកម្មភាពថតផ្សេងៗលើបណ្ដាញសង្គមនោះ អ្នកគាំទ្រក៏បានស្គាល់ពីមុខតួអង្គខ្លះៗហើយដែរ។
ក្នុងនោះ បើចាប់អារម្មណ៍ពីតួអង្គប្រុសតួអង្គស្រី នាងនុត និង បងសូ ក្នុងភាពយន្តខ្នាតធំ «ខ្មោចដើមចេកជ្វា ២០២៥» នេះដែរ តាមរយៈវីដេអូនៃសកម្មភាពថតរឿងនេះ គឺត្រូវបានមហាជនស្គាល់ថាតួអង្គស្រី នាងនុត គឺជាតួអង្គចាស់សម្ដែងកាលពីឆ្នាំ ២០០៥ ដដែល ជាតារាសម្ដែងស្រី សាំង ភស្ដា។ រីឯតួប្រុស បងសូ វិញ ក៏កំពុងត្រូវបានគេសង្ស័យថាជាតារាសម្ដែងប្រុសរូបសង្ហាដ៏មានប្រជាប្រិយភាពម្នាក់ គឺលោក ប៉ែន ភ័ក្រ្តសុធារិទ្ធ បើតាមរយៈវីដេអូខ្លីៗបង្ហោះលើគណនី TikTok របស់លោកផ្ទាល់៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
